సైలెంట్ గా పాన్ ఇండియా గేమ్ స్టార్ట్ చేసిన రౌడీ స్టార్

ప్ర‌తీ శుక్రవారం సినిమా ఇండ‌స్ట్రీలో జాత‌కాలు మారిపోతుంటాయి. ఒక్క ఫ్లాప్ వ‌చ్చింద‌ని అక్క‌డే కూర్చుంటే ముందుకు వెళ్ల‌డం క‌ష్టం.. అదే ఫ్లాప్ ని ప‌క్క‌న పెట్టి స‌రికొత్త గేమ్ ప్లాన్ తో నెక్స్ట్ ప్రాజెక్ట్ ల గురించి స‌రికొత్త స్ట్రాట‌జీతో ముందుకు వెళితే విజ‌యం అదే మ‌ళ్లీ మ‌న చెంత‌కు చేరుతుంది. స‌రిగ్గా ఇదే ఫార్ములాతో ముందుకెళుతున్నాడు రౌడీ స్టార్ విజ‌య్ దేవ‌ర‌కొండ‌. త‌ను న‌టించిన పాన్ ఇండియా మూవీ `లైగ‌ర్‌` రీసెంట్ గా విడుద‌లై అనూహ్యంగా భారీ డిజాస్ట‌ర్ అనిపించుకున్న విష‌యం తెలిసిందే.

పూరి జ‌గ‌న్నాథ్ డైరెక్ట్ చేసిన ఈ మూవీపై విజ‌య్ దేవ‌ర‌కొండ దాదాపు మూడున్న‌రేళ్లు క‌ష్ట‌ప‌డ్డాడు. ప్రాణం పెట్టి వ‌ర్క్ చేశాడు. కానీ త‌న క‌ష్టానికి త‌గ్గ ఫ‌లితం రాక‌పోవ‌డంతో కొంత నిరుత్సాహానికి గుర‌య్యాడు. భారీ ఆశ‌లు పెట్టుకున్న పాన్ ఇండియా ప్రాజెక్ట్ బిస్కెట్ కావ‌డంతో పూరి జ‌గ‌న్నాథ్ తో క‌లిసి చేయాల‌నుకున్న `జ‌న‌గ‌ణ‌మ‌న‌`ని ప‌క్క‌న పెట్టేశాడ‌నే వార్త‌లు వినిపిస్తున్నాయి. `లైగ‌ర్‌` త‌రువాత విజ‌య్ దేవ‌ర‌కొండ `ఖుషీ` మూవీలో న‌టిస్తున్నాడు.

దీని త‌రువాత ఐదు ప్రాజెక్ట్ ల‌ని విజ‌య్ దేవ‌ర‌కొండ లైన్ లో పెట్టిన‌ట్టుగా వార్త‌లు వినిపిస్తున్నాయి. `ఖుషీ`తో త‌రువాత విజ‌య్‌దేవ‌ర‌కొండ ..`జెర్సీ` ద‌ర్శ‌కుడు గౌత‌మ్ తిన్న‌నూరి డైరెక్ష‌న్ లో ఓ మూవీని చేయ‌బోతున్నాడంటూ గ‌త కొన్ని రోజులుగా వార్త‌లు వినిపిస్తున్న విష‌యం తెలిపిందే. ఈ మూవీని స్టార్ ప్రొడ్యూస‌ర్ దిల్ రాజు నిర్మించ‌డానికి రెడీ అవుతున్నార‌ట‌. గ‌త కొన్ని రోజులుగా `ఖుషీ` మూవీ త‌దుప‌రి షెడ్యూల్ నిలిచి పోవ‌డంతో ఆ స‌మ‌యాన్ని విజ‌య్ దేవ‌ర‌కొండ స్క్రిప్ట్ లు వినిడానికి ఉప‌యోగిస్తున్నార‌ని, అందులో కొన్ని ఫైన‌ల్ అయ్యే అవ‌కాశాలు కూడా ఉన్నాయ‌ని వార్త‌లు వినిపిస్తున్నాయి.

ఇదిలా వుంటే విజ‌య్ దేవ‌ర‌కొండ మొత్తం ఐదు ప్రాజెక్ట్ ల‌ని లైన్ లో పెట్టిన‌ట్టుగా తాజాగా విశ్వ‌స‌నీయంగా తెలుస్తోంది. ఇందులో ఇద్ద‌రు బాలీవుడ్ స్టార్ ప్రొడ్యూస‌ర్ల నుంచి వ‌చ్చిన మెగా ఆఫ‌ర్ల‌ని తెలుస్తోంది. ఇటీవ‌లే బాలీవుడ్ స్టార్ ప్రొడ్యూస‌ర్ క‌ర‌ణ్ జోహార్ ఓ భారీ పాన్ ఇండియా ప్రాజెక్ట్ కోసం విజ‌య్ దేవ‌ర‌కొండ‌ని సంప్ర‌దించార‌ని, దీనికి సంబంధించిన చ‌ర్చ‌లు జ‌రుగుతున్నాయ‌ని, ఓ ప్ర‌ముఖ ద‌ర్శ‌కుడు ఈ బాలీవుడ్ మూవీని తెర‌కెక్కించే అవ‌కాశం వుంద‌ని ఇన్ సైడ్ టాక్‌.

ఇక షారుఖ్ ఖాన్ కి చెందిన రెడ్ చిల్లీస్ ఎంట‌ర్ టైన్ మెంట్ వారు కూడా విజ‌య్ దేవ‌ర‌కొండ‌ని ఓ రొమాంటిక్ ఎంట‌ర్ టైన‌ర్ కోసం సంస్ర‌దించార‌ని, దీనికి సంబంధించిన చ‌ర్చ‌లు కూడా జ‌రుగుతున్నాయ‌ని.. త్వ‌ర‌లోనే ఈ ప్రాజెక్ట్ ని అధికారికంగా ప్ర‌క‌టించ‌బోతున్నార‌ని తెలుస్తోంది. అంటే `లైగ‌ర్‌` డిజాస్ట‌ర్ తో క‌సిమీదున్న రౌడీ స్టార్ రెట్టించిన ఉత్సాహంతో పాన్ ఇండియా గేమ్ ని మొత్తం ఐదు సినిమాల‌తో మొద‌లు పెట్ట‌బోతున్నాడ‌ని స్ప‌ష్ట‌మ‌వుతోంది. ఈ ఐదు ప్రాజెక్ట్ ల‌తో ఎలాంటి గేమ్ ఛేంజ‌ర్ ల‌ని పాన్ ఇండియా స్థాయిలో అందించ‌బోతున్నాడో తెలియాలంటే వేచి చూడాల్సిందే.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.