వీడియో : బీచ్‌ లో పబ్లిక్‌ గా శ్రియ బెల్లీ డాన్స్‌

టాలీవుడ్‌ లో దాదాపు దశాబ్దకాలం పాటు స్టార్‌ హీరోయిన్‌ గా వెలుగు వెలిగి సీనియర్‌ మరియు జూనియర్‌ స్టార్‌ హీరోలందరితో రొమాన్స్‌ చేసిన ముద్దుగుమ్మ శ్రియ ప్రస్తుతం మ్యారేజ్‌ లైఫ్‌ ను ఎంజాయ్‌ చేస్తూ ఉంది. ఇటీవలే ప్రియుడు ఆండ్రీని పెళ్లి చేసుకున్న ఈ అమ్మడు దేశ విదేశాలు చుట్టేస్తూ తెగ ఎంజాయ్‌ చేస్తోంది. ఇటీవల ఈ అమ్మడు ఒక బీచ్‌ లో పబ్లిక్‌ గా బ్యాండ్‌ వాయిస్తున్న సమయంలో ఆ బ్యాండ్‌ కు తగ్గట్లుగా బెల్లీడాన్స్‌ చేస్తూ అక్కడున్న వారందరి దృష్టిని తనవైపుకు తిప్పుకుంది.

ఈ అమ్మడి బెల్లీడాన్స్‌ వీడియో ప్రస్తుతం సోషల్‌ మీడియాలో వైరల్‌ అవుతుంది. శ్రియ ఈ వీడియోను ఇన్‌ స్టాగ్రామ్‌ లో పోస్ట్‌ చేసింది. వీడియోను కొన్ని గంటల్లోనే మూడు లక్షల మందికి పైగా చూడటంతో పాటు లక్షల మంది లైక్‌ చేశారు. వీడియోలో శ్రియను చూస్తుంటే ఇంకా కూడా యంగ్‌ హీరోలకు జోడీగా నటించేలా ఉందని, మూడు పదుల వయసు ఎప్పుడో దాటినా కూడా పాతికేళ్ల కుర్రాళ్లకు కూడా జోడీగా ఈ అమ్మడు నటించవచ్చు అన్నట్లుగా ఉందని.. అదే ఎనర్జీ అదే ఫేస్‌ గ్లో తో శ్రియ కనిపిస్తుందని నెటిజన్స్‌ కామెంట్స్‌ చేస్తున్నారు.

పెళ్లి చేసుకున్నా కూడా సినిమాలకు పూర్తిగా దూరం కాకుండా అడపా దడపా వచ్చిన అవకాశాలను చేస్తూనే ఉంది. తెలుగు.. తమిళం.. హిందీ భాషల్లో ఈమెకు ఇంకా కూడా ఒకటి అర సినిమాల ఛాన్స్‌ లు వస్తూనే ఉన్నాయి. ప్రస్తుతం తమిళంలో హాట్‌ బ్యూటీ ఒక సినిమాను చేస్తున్నట్లుగా సమాచారం అందుతోంది. తెలుగులో కూడా ఈమెను నటింపజేసేందుకు చర్చలు జరుగుతున్నాయట.