వీరభోగ వసంత రాయలు.. ధీమా ఏంటో?

తెలుగులో ఇప్పుడు ఆసక్తికర మల్టీస్టారర్లు తెరకెక్కుతున్నాయి. అందులో ‘వీర భోగ వసంత రాయలు’ ఒకటి. నారా రోహిత్.. సుధీర్ బాబు.. శ్రీ విష్ణు.. శ్రియా సరన్.. ఈ నలుగురి ఆసక్తికర కాంబినేషన్లో తెరకెక్కుతన్న చిత్రమిది. వీళ్లందరి ఫస్ట్ లుక్ పోస్టర్లతో పాటు టీజర్ కూడా ప్రేక్షకుల్లో క్యూరియాసిటీ తెచ్చింది. ఈ సినిమా ఎప్పుడు రిలీజవుతుందా అని ప్రేక్షకులు ఎదురు చూస్తున్నారు. టీజర్ రిలీజ్ తర్వాత కొన్ని రోజులుగా సైలెంటుగా ఉన్న చిత్ర బృందం విడుదల ఖరారు చేసుకుంది. అక్టోబరు 5న ఈ చిత్రాన్ని రిలీజ్ చేయాలని నిర్ణయించినట్లు సమాచారం.

నిజానికి అక్టోబరు 5న రవితేజ సినిమా ‘అమర్ అక్బర్ ఆంటోనీ’ని రిలీజ్ చేయాలనుకున్నారు. కానీ తర్వాత వెనక్కి తగ్గారు. 4న విజయ్ దేవరకొండ చిత్రం ‘నోటా’ విడుదలవుతుండటం వల్లే వాళ్లు వెనక్కి తగ్గారని వార్తలొచ్చాయి. ఐతే ‘నోటా’కు పోటీగా ‘వీర భోగ వసంత రాయలు’ను రిలీజ్ చేయాలనుకోవడం సాహసమే. సినిమాపై ఉన్న నమ్మకంతోనే ధైర్యం చేసి ఉండొచ్చు. ఈ మల్టీస్టారర్ మూవీని ఇంద్రసేన అనే కొత్త దర్శకుడు రూపొందించాడు. అప్పారావు బెల్లన ఈ చిత్రాన్ని నిర్మిస్తున్నారు. తెలుగులో ఇదొక ట్రెండ్ సెట్టింగ్ మూవీ అవుతుందని ఇండస్ట్రీలో చర్చించుకుంటున్నారు. ముఖ్యంగా దర్శకుడు ఇంద్రసేన ప్రతిభ గురించి ఈ చిత్ర బృందమంతా గొప్పగా చెబుతోంది. మరి అతడి టాలెంటేంటో.. సినిమా ప్రేక్షకుల్ని ఏమేరకు ఆకట్టుకుంటుందో చూాడాలి.