మాస్ మొగుడొచ్చాడే మూతి ముద్దు మీసం గుచ్చాడే

ఆక‌ట్టుకునే సాహిత్యం.. హ‌స్క్ ఉన్న స్వ‌రం .. దానికి త‌గ్గ‌ట్టు బాణి కుదిరితే అది వేరే లెవ‌ల్లో మార్మోగుతుంద‌న‌డానికి ఇదిగో ఈ పాట ఒక సాక్ష్యం. ఈ సంక్రాంతి పందెంలో యూత్ ని ఒక ఊపు ఊపే హుషారైన పాట‌ల‌ను థ‌మ‌న్ అందించాడ‌న‌డంలో సందేహం లేదు. ఇప్ప‌టికే బాల‌య్య బాబు `వీర‌సింహారెడ్డి` ట్రైల‌ర్ తో పాటు పాట‌ల ప‌రంగాను దుమ్ము రేపుతున్నాడు. ఇదంతా థ‌మ‌న్ మ్యూజిక్ మాయాజాలం అని అంగీక‌రించాలి.

తాజాగా రిలీజైన మాస్ మొగుడు మ‌సాలా సాంగ్ బాల‌య్య ఫ్యాన్స్ కి స్పెష‌ల్ ట్రీట్ అన‌డంలో సందేహం లేదు. ఈ పాట ఆద్యంతం న‌ట‌సింహా రెచ్చి పోయి డ్యాన్సులాడ‌గా.. అత‌డికి జోడీగా శ్రుతి హాస‌న్ అంతే అద్భుత‌మైన డ్యాన్సుల‌తో ఆక‌ట్టుకుంది. సాహిత్యం ట్యూన్ డ్యాన్సులు ఇలా ప్ర‌తిదీ దేనిక‌దే యూనిక్ ట్రీట్ అని అంగీక‌రించాలి.

చాలా వ‌ర‌కూ ఈ సినిమాలో ట్యూన్ల‌కు స‌మ‌ర‌సింహారెడ్డి బాణీల టింజ్ ని అద్దే ప్ర‌య‌త్నం చేసాడు థ‌మ‌న్. అది నిజంగానే ఒక ర‌కంగా ప్ల‌స్.. కానీ వేరొక ర‌కంగా అభిమానులు పోలిక‌ను చూస్తే కొంత ఇబ్బంది. కానీ స‌మ‌రసింహా రెడ్డికి మ‌ణిశ‌ర్మ ఇచ్చిన మ్యూజిక్ హై క్లాస్. అది ఎక్క‌డా కాపీ ట్యూన్ అని అనిపించ‌దు!!


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.