`అజ్ఞాత‌వాసి`లో వెంకీ పాత్ర ఇదేనా?

ప‌వ‌ర్ స్టార్ ప‌వ‌న్ క‌ల్యాణ్ - మాట‌ల మాంత్రికుడు త్రివిక్ర‌మ్ శ్రీ‌నివాస్ ల కాంబోలో వ‌స్తోన్న హ్యాట్రిక్ మూవీ `అజ్ఞాత‌వాసి`చిత్రంపై భారీ అంచ‌నాలున్న సంగ‌తి తెలిసిందే. ఇప్ప‌టికే విడుద‌లైన ఈ చిత్ర టీజ‌ర్ - ఆడియో సాంగ్స్ - కొడ‌కా కోటేశ్వ‌ర సాంగ్ టీజ‌ర్ లు సినిమాపై మ‌రింత హైప్ ను క్రియేట్ చేశాయి. ఈ చిత్రంలో ఓ కీల‌క‌మైన పాత్ర‌లో విక్ట‌రీ వెంక‌టేష్ న‌టిస్తోండ‌డంతో వెంకీ అభిమానులు కూడా ఈ సినిమా కోసం ఆస‌క్తిగా ఎదురు చూస్తున్నారు. ఈ నేప‌థ్యంలో ఆ సినిమాలో వెంకీ ...ఓ యాక్ష‌న్ సీన్ లో న‌టించ‌బోతున్న‌ట్లు వార్త‌లు వ‌స్తున్నాయి.

'అజ్ఞాతవాసి' లో పవన్ - వెంకీలు ఏ స‌న్నివేశంలో న‌టించ‌బోతున్నార‌న్న విష‌యంపై ర‌క‌ర‌కాలు పుకార్లు వినిపిస్తున్నాయి. వెంకీ పాత్ర‌ను త్రివిక్ర‌మ్ ఎలా తీర్చిదిద్దార‌న్న సంగ‌తి కూడా ఆస‌క్తి రేపుతోంది. పవన్ మేనమామ పాత్ర‌లో ఓ కామెడీ సీన్ లో వెంకటేశ్ ద‌ర్శ‌న‌మివ్వ‌బోతున్నాడ‌ని పుకార్లు షికారు చేశాయి. అయితే, తాజాగా ఆ సినిమాలో వెంకటేశ్ 4 నిమిషాల పాటు ఓ యాక్ష‌న్ సీన్ లో త‌ళుక్కుమ‌న‌బోతున్నాడ‌ని తెలుస్తోంది. వెంకీ - ప‌వ‌న్ ల మ‌ధ్‌య ఆ ఫైట్ సీన్ సినిమా మొత్తానికే హైలైల్ కానుంద‌ట‌. ఈ యాక్ష‌న్ సీన్ ప‌వ‌న్ మార్క్ లో ఉంటుందా....త్రివిక్ర‌మ్ త‌ర‌హాలో ఫ‌న్నీగా ఉంటుందా అన్న‌ది తేలాల్సి ఉంది. మ‌రోవైపు ఈ చిత్రంలో ప‌వ‌న్ పాడిన కొడ‌కా కోటేశ్వ‌రా....మేకింగ్ వీడియో సాంగ్ ను నూత‌న సంవ‌త్స‌ర కానుక‌గా డిసెంబ‌రు 31న విడుద‌ల చేయ‌బోతున్నారు. జ‌న‌వ‌రి 4 లేదా 5వ తారీకుల్లో ఈ చిత్ర ట్రైల‌ర్ రిలీజ్ కానుంద‌ట‌.