వెంకీమామ ఆ రోజునుండి సెట్స్ పైకి

సీనియర్ స్టార్ హీరో వెంకటేష్.. మేనల్లుడు అక్కినేని నాగ చైతన్య కలిసి నటిస్తున్న మల్టిస్టారర్ ను లాంచ్ చేసి ఇప్పటికే చాలా రోజులయింది కానీ ఇంకా రెగ్యులర్ షూటింగ్ మాత్రం ప్రారంభం కాలేదు. ఫైనల్ గా ఈ సినిమా రెగ్యులర్ షూటింగ్ ను మొదలు పెట్టడానికి రంగం సిద్ధమయింది.

ఫిబ్రవరి 24 నుంచి ఈ సినిమా షూటింగ్ ను మొదలు పెడతారని.. ఫస్ట్ షెడ్యూల్ లో వెంకటేష్.. చైతన్య ఇద్దరూ పాల్గొంటారని ఫిలిం మేకర్స్ వెల్లడించారు. ఇక ఈ సినిమాలో హీరోయిన్ల విషయంలో ఎన్నో రూమర్లు వినిపిస్తూ ఉన్నాయి కదా. ఆ అంశంపై స్పందిస్తూ త్వరలోనే హీరోయిన్లు.. ఇతర నటీనటులు టెక్నిషియన్ల పేర్లను వెల్లడిస్తామని కూడా తెలిపారు. బాబీ దర్శకత్వంలో తెరకెక్కుతున్న ఈ ఫ్యామిలీ ఎంటర్టైనర్ ను సురేష్ ప్రొడక్షన్స్.. పీపుల్ మీడియా ఫ్యాక్టరీ.. కోన ఫిలిం కార్పొరేషన్ బ్యానర్లపై సంయుక్తంగా నిర్మిస్తున్నారు.

వెంకటేష్ గతంలో చైతు సినిమా 'ప్రేమమ్' లో ఒక అతిథి పాత్రలో నటించిన సంగతి తెలిసిందే. కొంతసేపే అయినా ఇద్దరి కాంబినేషన్ ఆడియన్స్ ను ఎంతగానో మెప్పించింది.. ఈసారి పూర్తి స్థాయి సినిమాలో నటిస్తుండడంతో దగ్గుబాటి.. అక్కినేని అభిమానులే కాకుండా సాధారణ ప్రేక్షకులు కూడా ఈ సినిమాపై ఆసక్తి చూపిస్తున్నారు