మిస్టర్ అండ్ మిసెస్ వెంకీ: వైరల్ పిక్

టాలీవుడ్ స్టార్ హీరోల్లో సీనియర్స్ అందరిలోకి తన ఫ్యామిలీని ఎక్కువగా లైం లైట్ లోకి తీసుకురాని హీరోల్లో వెంకటేష్ ఫస్ట్ ఉంటాడు. సినిమా వేరు, వ్యక్తిగతం వేరు అని బలంగా నమ్మే వెంకీ చాలా ముఖ్యమైన వేడుక అయితే తప్ప సతీ సమేతంగా బయటికి రాడు. తన ముద్దుల కొడుకు ఫోటోలు కూడా ఈ మధ్య షేర్ చేయటం ఆపేసిన వెంకీ నిన్న జరిగిన తన సన్నిహితుల వేడుకకు భార్యతో సహా రావడమే కాదు చక్కగా స్టిల్స్ ఇచ్చి మరీ తన ఆనందాన్ని ఎక్స్ ప్రెస్ చేసాడు. వెంకటేష్ సతీమణి పేరు నీరజ. ఎక్కువగా బయటికి రావడానికి ఇష్టపడని ఆవిడ వెంకటేష్ నటించిన సినిమాల శతదినోత్సవ వేడుకలకు చాలా అరుదుగా వచ్చేవారు.

ఈ వేడుకలో వెంకటేష్ తో పాటు అన్నయ్య సురేష్ బాబు కూడా భార్యా సమేతంగా హాజరయ్యారు. చాలా కాలం తర్వాత ఇలా రెండు జంటలను ఒకే వేదికపై చూసిన దగ్గుబాటి ఫాన్స్ ఈ పిక్ ని వైరల్ గా షేర్ చేసుకుంటున్నారు. చాలా నిర్మలంగా, చక్కని చిరునవ్వుతో ఉన్న నీరజను చూసి వెంకీ విజయాల వెనుక, ఆయన నిరాడంబరత వెనుక కారణం ఎవరో కళ్ళారా చూసామని మురిసిపోతున్నారు. వెంకటేష్ త్వరలోనే తేజ దర్శకత్వంలో రూపొందే సినిమా షూటింగ్ లో జాయిన్ కానున్నాడు. దీనికి ఆటా నాదే వేటా నాదే అని టైటిల్ పరిశీలనలో ఉంది కాని అధికారికంగా ఖరారు చేయలేదు. ప్రస్తుతం ఎన్టీఆర్ బయోపిక్ టీజర్ షూటింగ్ లో బిజీ గా ఉన్న తేజ దానితో పాటు వెంకీ సినిమాను కూడా బాలన్స్ చేస్తూ పూర్తి చేయనున్నాడు.

గురు తర్వాత గ్యాప్ తీసుకున్న వెంకటేష్ కూడా రెండు సినిమాలు పారలల్ గా చేసే అవకాశాలు ఉన్నాయి తేజ తో పాటు అనిల్ రావిపూడి తీయబోయే మల్టీ స్టారర్ లో నటించే అవకాశం ఉంది. ఇందులో వరుణ్ తేజ్ మరో హీరోగా చేయబోతున్నట్టు ఫిలిం నగర్ టాక్. దీనికి సంబంధించి అఫీషియల్ అనౌన్స్ మెంట్ రావాల్సి ఉంది. దిల్ రాజు నిర్మాతగా వ్యవహరించే అవకాశాలు ఉన్నాయి.