విడుదల తర్వాత కూడా వదలని సమ్మర్‌ సోగ్గాళ్లు

వెంకటేష్ మరియు వరుణ్ తేజ్ లు హీరోలుగా అనిల్‌ రావిపూడి దర్శకత్వంలో దిల్‌ రాజు నిర్మించిన ఎఫ్‌ 3 సినిమా ఇటీవలే ప్రేక్షకుల ముందుకు వచ్చింది. సినిమాకు మిశ్రమ స్పందన వచ్చింది. ఎఫ్ 2 స్థాయిలో లేదంటూ కొందరు.. ఎఫ్‌ 3 ఆకట్టుకుందంటూ మరి కొందరు అభిప్రాయం వ్యక్తం చేశారు. ఓవరాల్‌ గా ఫ్యామిలీ ఆడియన్స్ కు ఈ సమ్మర్‌ చివర్లో మంచి ఎంటర్‌ టైనర్ గా ఎఫ్‌ 3 నిలిచింది.

మొదటి వారం పూర్తి అయ్యేప్పటికి మంచి వసూళ్లను సాధించిన ఎఫ్ 3 రెండవ వారంలో కూడా మంచి వసూళ్లను రాబట్టేందుకు భారీ ఎత్తున పబ్లిసిటీ కార్యక్రమాలు నిర్వహిస్తున్నారు. ఈమద్య కాలంలో సినిమా విడుదల అయ్యే వరకు మాత్రమే సినిమాల ప్రమోషన్స్ చేస్తున్నారు. విడుదల తర్వాత ప్రేక్షకులు వస్తే వచ్చారు లేదంటే లేదని వదిలేసే వారు చాలా మంది ఉన్నారు. కాని ఎఫ్ 3 సినిమాను విడుదల తర్వాత కూడా వదలడం లేదు.

విడుదలకు రెండు మూడు వారాల ముందు నుండి ప్రారంభం అయిన ప్రమోషన్ కార్యక్రమాలు ఇంకా కూడా కంటిన్యూ అవుతూనే ఉన్నాయి. విడుదల అయినప్పటి నుండి కూడా ఇద్దరు హీరోలు మరియు దర్శక నిర్మాణ టీం కూడా ప్రమోషన్‌ లో బిజీ బిజీగా ఉన్నారు. సినిమా సక్సెస్ సెలబ్రేషన్‌ ను రేపు విశాఖ లో గోకుల్‌ పార్క్‌ నిర్వహించబోతున్నారు. ఈ విషయాన్ని భారీ ఎత్తున ప్రచారం చేస్తున్నారు.

చిత్ర యూనిట్‌ సభ్యులు అందుకు సంబంధించిన వీడియో లను షేర్ చేసి అభిమానులను సక్సెస్ సెలబ్రేషన్స్ కు ఆహ్వానిస్తున్నారు. ఇద్దరు హీరోలతో పాటు హీరోయిన్స్ ఇంకా ఇతర చిత్ర యూనిట్‌ సభ్యులు వైజాగ్‌ లో సందడి చేయబోతున్నారు. ఎఫ్ 3 సినిమా సక్సెస్ వేడుకల కోసం భారీ ఎత్తున ఇప్పటికే అక్కడ ఏర్పాట్లు జరిగాయి.

ఎఫ్ 2 సక్సెస్ తర్వాత ఎఫ్‌ 3 ని ప్రకటించారు. అప్పటి నుండి ఎఫ్ 3 కోసం వెయిట్‌ చేస్తూ ఉండగా కరోనా వల్ల ఆలస్యం అయ్యింది. బ్యాక్ టు బ్యాక్‌ సక్సెస్ లు దక్కించుకుంటున్న అనిల్‌ రావిపూడి ఎఫ్‌ 3 తో మరో సారి విజయాన్ని సొంతం చేసుకున్నాడు. ఎఫ్‌ 3 సినిమా ఇప్పటికే దాదాపుగా 50 కోట్లకు పైగా షేర్‌ ను రాబట్టింది. ఎఫ్ 2 వసూళ్లు ఈ సినిమా ఎంత వరకు బీట్‌ చేస్తుందా అని అంతా ఆసక్తిగా ఎదురు చూస్తున్నారు.