బాబు బంగారం.. మరీ కుర్రాడిలా మారాడే

ఉగాది పండుగకు స్టార్ హీరోలంతా తమ అభిమానులకు తెగ గిఫ్టులు ఇచ్చేస్తున్నారు. మొదటగా మహేష్ బాబు తన సినిమా బ్రహ్మోత్సవంకి ఇచ్చిన లుక్ కి విపరీతమైన రెస్పాన్స్ వచ్చింది ఇప్పుడు వెంకటేష్ కూడా బాబు బంగారంకు ఫస్ట్ లుక్ ఇచ్చి.. ఉగాది శుభాకాంక్షలు చెప్పేశాడు.

మారుతీ డైరెక్షన్ లో రూపొందుతున్న ఈ సినిమాలో వెంకీ ఓ ఫన్నీ పోలీస్ ఆఫీసర్ గా కనిపిస్తాడు. పోలీస్ పాత్ర కావడంతో లుక్ ఎలా ఉంటుందో అనే ఆసక్తి నెలకొంది. బ్లాక్ షర్ట్, ఖాకీ ప్యాంట్ వేసుకున్న వెంకీ భలే హ్యాండ్సమ్ గా ఉన్నాడు. ఇప్పటికే ఈ సీనియర్ హీరోకి ఐదు పదుల వయసు దాటినా.. 30 ప్లస్ అన్నట్లుగానే కనిపిస్తుండడం విశేషం.

ఉగాది శుభాకాంక్షలతోపాటే ఈ జూలైలో రిలీజ్ అంటూ చెప్పేశారు బాబు బంగారం మేకర్స్. భలే భలే మగాడివోయ్ తర్వాత మారుతి దర్శకత్వంలో వస్తున్న మూవీ కావడంతో.. ఎక్స్ పెక్టేషన్స్ టాప్ రేంజ్ లో ఉన్నాయి. ఈ సినిమాలో నయనతార హీరోయిన్ కాగా.. ట్యాలెంటెడ్ మ్యుజీషియన్ గా గుర్తింపు పొందిన గిభ్రాన్ సంగీతం ఇస్తున్నాడు.