ఉయ్యాలవాడలోనూ గురు గీతోపదేశం?

ఉయ్యాలవాడ నరసింహారెడ్డి.. మెగా 151గా ఈ చిత్రం త్వరలో ప్రారంభం కాబోతోంది. ఇప్పటికే మెగాస్టార్ నోటివెంట సురేందర్ రెడ్డి దర్శకత్వంలో సినిమా అంటూ అఫీషియల్ గానే అనౌన్స్ మెంట్ కూడా వచ్చేసింది. రామ్ చరణ్ నిర్మాణంలో తెరకెక్కనున్న ఈ చిత్రంలో.. టాలీవుడ్ లేటెస్ట్ గురు వెంకటేష్ కూడా కీలక పాత్రలో కనిపించబోతున్నట్లు తెలుస్తోంది.

'చిరంజీవి 150వ చిత్రంలోనే ఓ చిన్న రోల్ లో అయినా నటిద్దామని అనుకున్నాను. కానీ అది కుదరలేదు. వీలైతే మెగా 151లో చిన్న పాత్రయినా చేసేందుకు సిద్ధంగా ఉన్నా' ఇదీ రీసెంట్ గా వెంకటేష్ స్టేట్మెంట్. ఇలా వెంకీ ఓపెన్ గా చిరంజీవి ఎదుట చెప్పడం వెనక.. పెద్ద కారణమే ఉందిట. నిజానికి ఉయ్యాలవాడలో ఓ కీలక పాత్ర గురించి.. వెంకటేష్ తో అంతకు మునుపే చర్చించాడట రామ్ చరణ్. అప్పట్లో ఖైదీ నంబర్ 150మూవీలో టాలీవుడ్ స్టార్స్ అందరితోనూ స్టెప్స్ వేయించాలని ప్రయత్నించాడు మెగా పవర్ స్టార్. వెంకీతో ఓ రోల్ చేయించాలని అనుకున్నా.. స్క్రిప్ట్ లో అవకాశం లేదు.

కానీ ఉయ్యాలవాడ సబ్జెక్టులో మాత్రం వెంకటేష్ కు సరిగ్గా సరిపోయే పాత్ర ఒకటి ఉందని తెలుస్తోంది. దాని గురించి ఇప్పటికే వెంకీ-చెర్రీలు డిస్కస్ చేయడం.. త్వరలో డెసిషన్ చెబుతానని వెంకీ అనడం జరిగాయట. అఫీషియల్ గా కాకపోయినా ఉయ్యాలవాడలో తానూ నటిస్తున్నట్లు ఇన్ డైరెక్టుగా అనౌన్స్ చేయడంలో భాగంగానే.. వెంకీ ఇలాంటి కామెంట్స్ చేశాడని అంటున్నారు టాలీవుడ్ జనాలు.

Like Us on Facebook : https://www.facebook.com/Tupakidotcom/