ఈ అతిథి పాత్రలు ఏంటమ్మా వెంకీ?

స్టార్‌ హీరోలు అతిథి పాత్రలు చేయడం అనేది కొత్తేం కాదు. కాకపోతే చాలా రేర్ గా ఏదో ఒక సినిమాలో మెరుస్తున్నారంతే. చిరంజీవి వంటి రేంజ్‌ హీరోలు అయితే కేవలం తమ ఫ్యామిలీ హీరోల సినిమాల్లోనే మెరుస్తున్నారు. బ్రూస్‌ లీ లో ఆయన.. అలాగే మొన్న అఖిల్‌ సినిమాలో నాగార్జున మెరిశారు. కాకపోతే మన విక్టరీ వెంకటేష్ మాత్రం ఎవరి సినిమా అయినా కూడా క్యామియో చేయడానికి రెడీగా ఉన్నాడు.

నిజానికి వెంకటేష్‌ తొలిసారి తన మేనల్లుడు నాగ చైతన్యకు కిక్కిస్తున్నాడు. 'ప్రేమమ్‌' సినిమాలో చైతూ మేనమమాగా ఒక కీలకమైన రోల్‌ లో.. ఒక సీన్లో..మెరుస్తున్నాడు. ఈ సీన్‌ షూటింగ్‌ చూసినవారందరూ ఔట్పుట్‌ అదిరిందనే అంటున్నారు. ఇకపోతే బెల్లంకొండ శ్రీనివాస్‌ సినిమాలో.. బోయపాటి డైరక్షన్‌ లో కూడా వెంకీ మరొక క్యామియో చేస్తున్నాడు. ఈ సినిమాలో కూడా ఒక సింగిల్‌ సీన్లో చితక్కొట్టేస్తాడట. మొన్నటివరకు మల్టీస్టారర్‌ సినిమాలకు కేరాఫ్‌ అడ్రస్ గా మారిన వెంకీ.. ఇప్పుడు గెస్టు రోల్స్ తో కూడా ట్రెడు సృష్టిస్తున్నాడు తెలుసా.

అసలు ఈ అతిథి పాత్రలు ఏంటమ్మా వెంకీ అంటే.. అదో తుత్తి అని చెప్పేస్తున్నాడు. ఏదేమైనా కూడా యంగ్ జనరేష్ ను అలా ఇన్సిపిరేషన్‌ గా కూడా ఉంటున్నాడులే.