సాల్ట్ అండ పెప్పర్ లుక్ లో వెంకీ సూపర్

సీనియర్ హీరోల సత్తా అయిపోయింది.. మల్టీ స్టారర్ లు చేసుకోవడమే అనే మాటలు గతేడాది వరకూ జోరుగా వినిపించగా.. ఏ ఏడాది ప్రారంభంలోనే ట్రెండ్ మారిపోయింది. సోగ్గాడే చిన్ని నాయన అంటూ నాగార్జున బ్లాక్ బస్టర్ కొట్టేస్తే.. మారుతి-వెంకీల కాంబినేషన్ లో తెరకెక్కిన బాబు బంగారం.. అనూహ్యమైన స్థాయిలో ఓపెనింగ్స్ సాధించింది. కంటెంట్ కాస్త గట్టిగా ఉంటే.. వెంకీ కెరీర్లో హైయెస్ట్ గ్రాసింగ్ మూవీగా నిలిచేదే కానీ.. యావరేజ్ తో సరిపెట్టుకోవాల్సి వచ్చింది.

ఇప్పుడు బాబు బంగారం ఇచ్చిన జోష్ విక్టరీ వెంకటేష్ కొత్త సినిమా మొదలుపెట్టేస్తున్నాడు. హిందీ-తమిళ్ లో సూపర్ హిట్ అయిన సాలా ఖద్దూస్ ని.. తెలుగులో గురు టైటిల్ పై తీయనున్నాడు వెంకీ. గురు ఫస్ట్ లుక్ ని విడుదల చేసిన యూనిట్.. బరిలోకి సెప్టెంబర్ 19 నుంచి అంటూ షూటింగ్ ప్రారంభం చేసే తేదీని క్రియేటివ్ గా చెప్పేయడం కొత్తగా అనిపించింది. సగం నెరిసిన గెడ్డం లుక్ తో వెంకీ కొత్తగా ప్రయత్నిస్తున్నాడనే విషయం అర్ధమైపోతుంది. గురువు గారి గెటప్ లో వెంకీ అదిరిపోయాడు లెండి. కొత్తగా పెంచిన ఆ కండలు కూడా కేకలు పెట్టిస్తున్నాయి.

సెప్టెంబర్ మూడో వారంలో షూటింగ్ ప్రారంభించుకుంటున్న గురు.. నవంబర్ చివరికల్లా పూర్తయిపోతుందట. అంటే కేవలం రెండున్నర నెలల్లోనే ఫినిష్ చేసేస్తారన్న మాట.