‘గురు’వుగారు చితగ్గొట్టేశారండీ..

విక్టరీ వెంకటేష్ కొత్త సినిమా ఫస్ట్ లుక్స్ చూడగానే అందరికీ ఈ చిత్రంపై ఒక పాజిటివ్ ఫీలింగ్ వచ్చేసింది. వెంకీ కెరీర్లో మొత్తంలో బెస్ట్ లుక్స్ తీస్తే అందులో ఇదొకటుంటుందనడంలో సందేహం లేదు. వెంకీ కెరీర్లో ఇప్పటిదాకా ఇలా ఫుల్ లెంగ్త్ మిడిలేజ్డ్ క్యారెక్టర్ చేయలేదు. ఐతే ఆ తరహా తొలిసారి చేస్తున్నపుడే వెంకీ పర్ఫెక్షన్ చూపించడం విశేషమే. మేకప్.. స్టైలింగ్.. ఎవరు చేశారో కానీ.. వెంకీకి ఈ లుక్ పర్ఫెక్ట్ గా సెట్టయింది. తమిళ-హిందీ భాషల్లో మాధవన్ ను చూశాక ఆ పాత్రను ఇంకెవరైనా చేయగలరా.. అసలు సూట్ అవుతారా అని సందేహాలు కలుగుతాయి. కానీ వెంకీని చూశాక ఆ సందేహాలు పటాపంచలయ్యాయి.

‘గురు’కు సంబంధించి ఇప్పటిదాకా బయటికి వచ్చిన స్టిల్స్ అన్నీ కూడా ఆకట్టుకున్నాయి. తాజాగా వదిలిన స్టిల్ అయితే అదిరిపోయిందనే చెప్పాలి. ‘గురు’వు గారు కొండ ప్రాంతానికి చేరుకుని.. బుల్లెట్ పార్క్ చేసి.. లగేజ్ అంతా పక్కనపెట్టేసి.. కాఫీ ఏదో తాగుతూ సేదతీరుదున్నప్పటి ఫొటో ఇది. షర్టు తీసి కండల్ని కూడా బాగానే ఎక్స్ పోజ్ చేస్తున్నాడు వెంకీ. అట్మాస్ఫియర్ అదీ కూడా పర్ఫెక్టుగా సెట్టవడంతో ఈ స్టిల్ చూడగానే ఆకట్టుకుంటోంది. సినిమా మీద ఉన్న పాజిటివ్ ఫీలింగ్ ను మరింత పెంచుతోంది. ఆల్రెడీ ‘గురు’ పాటలు నేరుగా మార్కెట్లోకి వచ్చేశాయి. ఏప్రిల్ 7న ఈ చిత్రం థియేటర్లలోకి రాబోతోంది. తమిళ.. హిందీ భాషల్లో ఈ చిత్రానికి దర్శకత్వం వహించిన సుధ కొంగరనే తెలుగులోనూ డైరెక్ట్ చేస్తున్న సంగతి తెలిసిందే.

Like Us on Facebook : https://www.facebook.com/Tupakidotcom/