వెంకీ ‘గురు’ రిలీజ్ డేట్ ఫిక్స్

మెగాస్టార్ చిరంజీవి రీఎంట్రీ మూవీ ‘ఖైదీ నం 150.. నందమూరి బాలకృష్ణ వందో సినిమా ‘గౌతమీపుత్ర శాతకర్ణి’ షూటింగ్ మొదలైన రోజుల్లోనే సంక్రాంతి రిలీజ్ అని ప్రకటించుకున్నాయి. మరోవైపు శర్వానంద్ మూవీ ‘శతమానం భవతి’ పరిస్థితి కూడా ఇంతే. ఐతే వీళ్లతో పాటుగా తన సినిమా ‘గురు’ను కూడా సంక్రాంతికే తెచ్చేద్దామని ఓ దశలో గట్టిగానే ఆలోచించాడు విక్టరీ వెంకటేష్. లో బడ్జెట్ మూవీ.. పైగా సురేష్ బాబు చేతిలో థియేటర్లు కూడా ఉంటాయి కాబట్టి.. సెలవుల అడ్వాంటేజీని వాడుకోవడానికి బరిలోకి దూకేద్దామని చూశారు. కానీ అన్ని రకాలుగా ఆలోచించాక ఇప్పుడు వెనక్కి తగ్గారు.

తాజా సమచారం ప్రకారం ‘గురు’ సంక్రాంతికి రావట్లేదు. సోలోగా జనవరి 26న ప్రేక్షకుల ముందుకు రానుంది. సినిమా మీద మంచి కాన్ఫిడెన్స్ ఉండటంతో సంక్రాంతి పోటీకి దిగి దెబ్బ తీసుకోవడం ఎందుకని.. గణతంత్ర దినోత్సవం రోజున సోలోగా భారీ రిలీజ్ చేసుకుంటే బెటర్ అని వెనక్కి తగ్గారు. ఐతే సినిమా మాత్రం ఇప్పటికే దాదాపుగా పూర్తి కావచ్చింది. విడుదలకు రెండు మూడు వారాల ముందే ఫస్ట్ కాపీతో రెడీగా ఉంటుందట ‘గురు’ యూనిట్. హిందీ.. తమిళ భాషల్లో ‘సాలా ఖడూస్/ఇరుదు సుట్రు’ సినిమాను రూపొందించి సూపర్ హిట్ కొట్టిన తెలుగమ్మాయి సుధ కొంగర తెలుగులోనూ ఈ చిత్రాన్ని తనే రూపొందిస్తోంది. వెంకీ బాక్సింగ్ కోచ్ గా నటిస్తున్న ఈ చిత్రంలో అతడి శిష్యురాలిగా రితికా సింగ్ నటిస్తోంది. ఒరిజినల్లోనూ ఆమే ఆ క్యారెక్టర్ చేసింది.

Like Us on Facebook : https://www.facebook.com/Tupakidotcom/