మహర్షి ఆడియోకు ముఖ్య అతిథిగా వెంకటేష్

సూపర్‌ స్టార్‌ మహేశ్‌ ప్రెస్టీజియన్ ప్రాజెక్ట్‌ - కెరీర్‌ లో 25వ సినిమా మహర్షి ఆడియోకు రంగం సిద్ధమైంది. వంశీ పైడిపల్లి దర్శకత్వం వహించిన ఈ సినిమా ఆడియో ఇవాళ సాయంత్రం అతిరథ మహారథుల మధ్య విడుదల కానుంది. ఈ ఆడియో ఫంక్షన్‌ కు ఇండస్ట్రీ ప్రముఖులతో పాటు.. ముఖ్య అతిథిగా విక్టరీ వెంకటేశ్‌ రాబోతున్నాడట.

సూపర్‌స్టార్‌ మహేశ్‌ - విక్టరీ వెంకటేశ్‌ మంచి ఫ్రెండ్స్‌. ఎప్పుడు కలిసినా వారిద్దరి మధ్య సినిమాల అంశాల ప్రస్తావన చాలా తక్కువ వస్తుంది. ఇద్దరూ ఎక్కువగా ఆధ్యాత్మిక విషయాలు - ప్రశాంత జీవనం గురించే మాట్లాడుకుంటున్నారు. ఇక ఇద్దరూ ఆల్‌ రెడీ సీతమ్మ వాకిట్లో సిరిమల్లెచెట్టు సినిమా కూడా చేశారు. అప్పటినుంచి ఇద్దరి మధ్య ఫ్రెండ్‌ షిప్‌ బాండింగ్‌ కూడా ఎక్కువైంది. ఆ తర్వాత మళ్లీ ఇద్దరూ కలిసి ఒక మల్టిస్టారర్‌ చేద్దామని అనుకున్నారు కానీ మంచి కథ దొరక్క మిన్నకుండిపోయారు. సీతమ్మ వాకిట్లో సిరిమల్లెచెట్టు సినిమాకు - అలాగే ఎఫ్‌ 2 సినిమాకు దిల్‌ రాజు నిర్మాత. దీంతో.. దిల్‌ రాజు అడగ్గానే ఆడియో ఫంక్షన్‌ కు వస్తానని చెప్పాడు వెంకటేశ్‌.

అదీగాక.. ఎఫ్‌ 2 సినిమా తర్వాత వెంకటేశ్‌ కాస్త ఎక్కువుగా బయట కన్పిస్తున్నాడు. కూతురు పెళ్లి కూడా అయిపోవడంతో.. ఇప్పుడు కాస్త రిలాక్స్ అవుతున్నాడు. అందుకే మొన్నటికి మొన్న నాని జెర్సీ ఆడియో ఫంక్షన్‌ కు వచ్చాడు. ఇప్పుడు సూపర్‌ స్టార్‌ మహర్షి సినిమా ఫంక్షన్‌ కు రాబోతున్నాడు. మహర్షి సినిమా మే 9న ప్రపంచవ్యాప్తంగా రిలీజ్‌ కాబోతుంది. ఇందులో మహేశ్‌ సరసన పూజా హెగ్డే హీరోయిన్‌ గా నటించింది.