ఇన్ స్టాగ్రామ్ లోకి వెంకీ....వైర‌ల్ పోస్ట్!

మూవీ మొఘ‌ల్ ద‌గ్గుబాటి రామానాయుడి వార‌సుడిగా టాలీవుడ్ లోకి అడుగుపెట్టిన వెంక‌టేష్....అన‌తి కాలంలోనే త‌న‌కంటూ ప్ర‌త్యేక‌మైన గుర్తింపు తెచ్చుకున్నాడు. విక్ట‌రీనే త‌న ఇంటిపేరుగా మార్చుకున్న వెంకీ....కుటుంబ క‌థా చిత్రాల‌తో పాటు....ఎన్నో వైవిధ్య‌మైన క‌థ‌ల‌తో ప్రేక్ష‌కుల‌ను అల‌రించాడు. స్టార్ హీరోగా ఎంత ఎత్తుకు ఎదిగినా....ఆధ్యాత్మిక భావాల‌తో ఒదిగి ఉండే వెంకీకి....ఇండ‌స్ట్రీలోనూ ఫ్యాన్స్ ఉన్నారు. తెలుగు చ‌ల‌న చిత్ర సీమ‌లో వెంకీ అడుగుపెట్టి నేటికి 32 సంవత్సరాలు పూర్తయ్యాయి. ఈ సందర్భంగా వెంకీ మామ....త‌న ఫేస్ బుక్ అకౌంట్ లో ఓ ఎమోష‌న‌ల్ పోస్ట్ పెట్టాడు. అంతేకాదు, ముందుగా చెప్పిన‌ట్లే వెంకీ...అభిమానుల‌కు స‌ర్ ప్రైజ్ ఇచ్చాడు. `32 ఈయ‌ర్స్ ఇండ‌స్ట్రీ`కి గుర్తుగా....వెంకీమామ నేడు తాజాగా ఇన్ స్టా గ్రామ్ ఖాతా ఓపెన్ చేసి అభిమానుల‌కు స‌ర్ ప్రైజ్ ఇచ్చాడు. దాంతో పాటు త‌న తొలిసినిమా ఫొటోను ఇన్ స్టా గ్రామ్ లో పోస్ట్ చేసి...ఆ లింక్ ను ఫేస్ బుక్ లో పోస్ట్ చేశాడు.

‘‘నేను తెలుగు చిత్ర పరిశ్రమలో అడుగుపెట్టి 32 ఏళ్లు అవుతోంది. 1986 - ఆగస్టు 14న నా తొలి చిత్రం ‘కలియుగ పాండవులు’ విడుదలైంది. ఈ రోజే నేను నటుడిగా జన్మించాను. గత 32 సంవత్సరాలుగా మీ అందరి ప్రేమాభిమానాలు పొందుతూనే ఉన్నా. అందుకు నేనెంతో అదృష్టవంతుడిని. నేను నా సినీ ప్రయాణంలో మరో అడుగు ముందుకు వేయబోతున్నాను. దీని ద్వారా మీ అందరికీ మరింత దగ్గరవుతాను. ఈ రోజు మీకు సర్ ప్రైజ్ ఇవ్వబోతున్నా’’ అని వెంకటేశ్ తన ఫేస్ బుక్ అకౌంట్ లో పోస్ట్ చేశాడు. చెప్పిన‌ట్లుగానే...ఈ రోజు సాయంత్రం ఇన్ స్టా గ్రామ్ ఖాతాను ఓపెన్ చేసి ఫ్యాన్స్ కు స‌ర్ ప్రైజ్ ఇచ్చాడు. అందులో త‌న తొలి సినిమా షూట్ ఫొటోను షేర్ చేశాడు. ``1986లో త‌న తొలి చిత్రం ‘కలియుగ పాండవులు’ షూటింగ్ సంద‌ర్భంగా తీసిన ఫొటో. అదే ఏడాది ఆగ‌స్టు 14న ఆ సినిమా విడుద‌లైంది. 32 ఏళ్లుగా నా మీద చూపిస్తున్న ప్రేమాభిమానాల‌కు, నాకు మ‌ద్ద‌తిస్తున్నందుకు కృత‌జ్ఞ‌త‌లు``అని వెంకీ త‌న ఇన్ స్టాగ్రామ్ ఖాతాలో పోస్ట్ చేశాడు. ప్ర‌స్తుతం వెంకీ మామ‌ పోస్ట్ సోష‌ల్ మీడియాలో వైర‌ల్ అయింది.