బంగారం రిజల్ట్ బాబుకి ముందే తెలుసా?

సీనియర్ హీరో వెంకటేష్ కెరీర్ సక్సెస్‌లకు ఫెయిల్యూర్స్‌ కి అతీతంగా ఉంటుంది. తన సమకాలికుల్లో ఎలాంటి ఇగో లేని వ్యక్తిగా గుర్తింపు పొందిన వెంకీ.. ఆ సమయంలో అత్యధిక సక్సెస్ రేట్ ఉన్న హీరో. అందుకో తన పేరులోనే విక్టరీని కలిపిసేసుకున్నాడు కూడా. ఇప్పుడు వెంకీ తన 30 ఏళ్ల కెరీర్ పూర్తి చేసుకుంటున్న టైమ్ లో బాబు బంగారం విడుదలైంది.

అటు చాలా కాలం తర్వాత వెంకీ హీరోగా సోలో సినిమా.. ఇటు 30 ఏళ్ల కెరీర్ పూర్తి చేసుకుంటున్న సమయం.. అందుకే వెంకటేష్ ని బోలెడన్ని మీడియా హౌజ్‌ లు ఇంటర్వ్యూలు చేసేశాయి. వీటిలో తాను సక్సెస్ ఫెయిల్యూర్ లకు సమానంగా రియాక్ట్ అవుతానని చెప్పాడు. ఎందుకంటే ఓ మూవీ ఫెయిల్ అవుతుందన్న విషయం తనకు ముందే తెలిసిపోతుందట. షూటింగ్ పార్ట్ సగం అయ్యేసరికి దాన్ని పిక్చరైజ్ చేస్తున్న తీరు బట్టి ఓ అంచనాకు వచ్చేస్తాడట వెంకీ. అయినా ఫినిష్ చేయడం తప్ప చేయగలిగింది ఏమీ లేకపోవడంతో సైలెంట్ గా షూటింగ్ ఫినిష్ చేస్తానని అన్నాడు.

అప్పటి నుంచే ఓ ఫ్లాప్ కు మానసికంగా సిద్ధమైపోతానని కూడా చెప్పాడు. బాబుబంగారం రిలీజ్ కి ముందు ఈ మాటలు చెప్పడం.. తీరా సినిమా తేడా కొట్టేయడం చూస్తుంటే.. ఇప్పుడీ కామెంట్స్ లేటెస్ట్ మూవీ కోసమే చేసినట్లుగా చెప్పుకుంటున్నారు చాలామంది. అంటే బాబు బంగారం ఫెయిల్ అవుతుందని వెంకీకి ముందే తెలుసా అన్నది చాలామంది క్వశ్చన్.