వెంకీ బంగారానికి డేట్ వచ్చింది

భలేభలే మగాడివోయ్ చిత్రంతో బ్లాక్ బస్టర్ సాధించిన ఊపులో ఉన్నాడు దర్శకుడు మారుతీ. గోపాలా గోపాలా తర్వాత చాలా అలర్ట్ గా నెక్ట్స్ ప్రాజెక్ట్ ని ఎంపిక చేసుకున్న విక్టరీ వెంకటేష్. దీంతో వెంకీ - మారుతీ కలిసి చేస్తున్న బాబు బంగారంపై అంచనాలు బాగానే ఏర్పడ్డాయి. జనవరిలో ప్రారంభమైన బాబు బంగారం షూటింగ్.. ఇప్పుడు కీలకమైన స్థాయికి చేరుకుంది. పర్ ఫెక్ట్ గా షూటింగ్, పోస్ట్ ప్రొడక్షన్ వర్క్స్ ప్లాన్ చేసిన బాబు బంగారం యూనిట్.. ఇప్పుడు రిలీజ్ డేట్ ను కూడా లాక్ చేసేసుకుంది.

జూలై 1న ఈ సినిమాను విడుదల చేయనున్నట్లు నిర్మాతలు చెబుతున్నారు. బాబు బంగారంలో వెంకటేష్ ఓ ఫన్నీ పోలీస్ గా నటిస్తుండగా.. హీరోయిన్ గా నయనతార చేస్తోంది. ఈ మూవీలో నయన్ హీరోయిన్ అయినా.. వెంకీకి జంట మాత్రం కాకపోవడం విశేషం. గిబ్రాన్ ను మ్యూజిక్ కి సెలెక్ట్ చేయడంతో.. ఆడియో పరంగానూ మంచి ఎక్స్ పెక్టేషన్సే ఉన్నాయి. ఇప్పటికే టాకీ పరంగా సగానికి పైగా పూర్తయినట్లు చెబుతున్నారు.

మారుతీతో మూవీ కంప్లీట్ కాగానే.. మాధవన్ నటించిన సాలా ఖడూస్ చేయనున్నాడు వెంకటేష్. అలాగే బండ్ల గణేష్ నిర్మాణంలో మరో మలయాళ రీమేక్ లో కూడా నటించే అవకాశాలు ఉన్నాయని అంటున్నారు. ఇప్పటికే టు కంట్రీస్ తెలుగు హక్కులని కొనుగోలు చేసిన బండ్ల.. వెంకీతో టచ్ లో ఉన్నాడని అంటున్నారు.