షాక్: వెంకీ హార్స్ రేసింగ్ సాహ‌సాలు

టాలీవుడ్ ప్ర‌యోగాల బాట‌లో వెళుతోంది. క‌థ‌-కంటెంట్ ఏది ఎంచుకున్నా ఎంతో కొంత కొత్త‌ద‌నం చూపించాల‌ని న‌వ‌త‌రం ద‌ర్శ‌కులు త‌ప‌న ప‌డుతున్నారు. ఆ కోవ‌లోనే `పెళ్లి చూపులు` చిత్రంతో న‌వ‌త‌రం ద‌ర్శ‌కుడు త‌రుణ్ భాస్క‌ర్ విమ‌ర్శ‌కుల ప్ర‌శంస‌లు పొందారు. అత‌డు తెర‌కెక్కించిన రెండో సినిమా `ఈ న‌గ‌రానికి ఏమైంది?` ఆశించిన విజ‌యం ద‌క్కించుకోక‌పోవ‌డం నిరాశ‌ప‌రిచింది. ప్ర‌స్తుతం ద‌ర్శ‌కుడిగా మ‌రో ప్ర‌యోగాత్మ‌క చిత్రానికి శ్రీ‌కారం చుడుతున్నార‌ని తెలుస్తోంది. అది కూడా ఈసారి సీనియ‌ర్ హీరోతో అత‌డు ఎక్స్ పెరిమెంట్ చేయ‌నున్నార‌ట‌. ఇంత‌కీ ఏమిటా ప్ర‌యోగం అంటే...

విక్ట‌రీ వెంక‌టేష్ క‌థానాయ‌కుడుగా హార్స్ రేసింగ్ నేప‌థ్యంలో ఓ ప్ర‌యోగాత్మక చిత్రం తెర‌కెక్కించేందుకు స‌న్నాహాలు చేస్తున్నార‌ని తెలుస్తోంది. ఇప్ప‌టికే వెంకీ స్క్రిప్టు విని గ్రీన్ సిగ్న‌ల్ ఇచ్చేశారు. ఈ సినిమా మెజారిటీ భాగం హైద‌రాబాద్ మ‌ల‌క్ పేట ప‌రిస‌రాల్లో ఉన్న‌ రేస్ క్ల‌బ్ లో తెర‌కెక్కించ‌నున్నారు. అగ్ర నిర్మాత డి.సురేష్ బాబు నిర్మిస్తున్నారు. గురు తర్వాత వెంకీ మ‌రోసారి స్పోర్ట్స్ బ్యాక్ డ్రాప్ ఉన్న క‌థాంశాన్ని ఎంచుకుని సాహ‌సం చేస్తున్నార‌నే దీనిని బ‌ట్టి అర్థ‌మ‌వుతోంది. హార్స్ రేసింగ్ పై సినిమా అంటే ఇందులో వెంకీ పాత్ర ఎలా ఉంటుందోన‌న్న ఉత్కంఠ అభిమానుల్లో మొద‌లైంది. మ‌రి దీనికి సంబంధించి త‌రుణ్ భాస్క‌ర్ వివ‌రాలు వెల్ల‌డించాల్సి ఉంటుంది.

విక్ట‌రీ వెంక‌టేష్ ప్ర‌స్తుతం మేన‌ల్లుడు నాగ‌చైత‌న్య‌తో క‌లిసి `వెంకీ మామ‌` చిత్రంలో న‌టిస్తున్నారు. స‌ర్ధార్ గ‌బ్బ‌ర్ సింగ్ ఫేం బాబి ఈ చిత్రానికి ద‌ర్శ‌క‌త్వం వ‌హిస్తున్నారు. దీంతో పాటే మేం వ‌య‌సుకు వ‌చ్చాం- సినిమా చూపిస్త మావా లాంటి హిట్టు సినిమాలు తీసిన త్రినాథ‌రావు న‌క్కిన‌తో ఓ సినిమాకి వెంకీ క‌మిట‌య్యారు.