'వెంకీ మామ' లో 'ఎఫ్‌' ను పెంచేస్తున్నారు

దాదాపు దశాబ్దం తర్వాత తన సినిమాను ప్రేక్షకులు ఇంతగా ఆధరిస్తున్నారని - ఇన్నాళ్లకు ప్రేక్షకులు ఏం కోరుకుంటున్నారో అది ఇచ్చానంటూ తాజాగా 'ఎఫ్‌ 2' చిత్రం సక్సెస్‌ మీట్‌ లో వెంకటేష్‌ చెప్పుకొచ్చిన విషయం తెల్సిందే. సంక్రాంతికి ప్రేక్షకుల ముందుకు వచ్చిన 'ఎఫ్‌ 2' చిత్రం ఫుల్‌ ఫన్‌ తో సక్సెస్‌ ను దక్కించుకుంది. సక్సెస్‌ లో మెజార్టీ వాటా ఖచ్చితంగా వెంకటేష్‌ కు దక్కుతుందని చెప్పాలి. అద్బుతమైన కామెడీ టైమింగ్‌ తో వెంకటేష్‌ ఆకట్టుకున్నాడు. ఎఫ్‌ 2 ఫలితం తర్వాత వెంకీ తదుపరి చిత్రాల విషయంలో ఫన్‌ ఉండేలా జాగ్రత్త పడుతున్నాడు.

'ఎఫ్‌2'లో ఫన్‌ అండ్‌ ఫ్రస్టేషన్‌ ను బాగా చూపించిన వెంకటేష్‌ తన తదుపరి చిత్రం 'వెంకీ మామ'లో కూడా అదే తరహా ఫన్‌ ను పండించేందుకు సిద్దం అవుతున్నాడు. బాబీ దర్శకత్వంలో రూపొందబోతున్న 'వెంకీ మామ' చిత్రంలో నాగచైతన్యతో కలిసి వెంకటేష్‌ నటించబోతున్నాడు. మొదట ప్లాన్‌ చేసిన స్క్రిప్ట్‌ ప్రకారం అయితే నాగచైతన్య కంటే వెంకీకి కాస్త తక్కువ ప్రాముఖ్యత ఉంటుందట. అయితే తాజాగా ఎఫ్‌ 2 ఫలితం తర్వాత వెంకీ ఫన్‌ ఉంటేనే సినిమా ఆడుతుందనే ఉద్దేశ్యంతో మేకర్స్‌ స్క్రిప్ట్‌ కు మార్పులు చేర్పులు చేస్తున్నారట.

మామ అళ్లుడు సినిమా కోసం తెలుగు ప్రేక్షకులు చాలా ఆసక్తిగా - ఎన్నో సంవత్సరాలుగా ఎదురు చూస్తున్నారు. అదుగో - ఇదుగో అంటూ దాట వేస్తూ వచ్చారు. వీరిద్దరికి సూట్‌ అయ్యేలా దర్శకుడు బాబీ ఒక మంచి ఎంటర్‌ టైన్‌ మెంట్‌ కథను తీసుకు వచ్చాడు. సురేష్‌ బాబు ఈ మామ అల్లుడుల మల్టీస్టారర్‌ చిత్రాన్ని నిర్మిస్తున్నాడు. ఎఫ్‌2 చిత్రం సూపర్‌ హిట్‌ తర్వాత వెంకీ సినిమా అనగానే అంచనాలు భారీగా ఉన్నాయి. ఆ అంచనాలను అందుకునేందుకు తీవ్రంగా ప్రయత్నిస్తున్నారు. త్వరలో షూటింగ్‌ ను ప్రారంభించి - ఇదే ఏడాదిలో విడుదల అయ్యేలా ప్లాన్‌ చేయబోతున్నారు.