అజ్ఞాతవాసిలో వెంకీ సీన్ ఎలా ఉంటుందో?

టాలీవుడ్ హీరోలలో మంచి కామెడీ టైమింగ్ తో నటించే వారిలో విక్టరీ వెంకటేష్ అని ప్రత్యేకంగా చెప్పనక్కర్లేదు. యాక్షన్ అయినా సెంటిమెంట్ అయినా ఇక రొమాంటిక్ సీన్స్ అయినా వెంకీ తనకు తానే పోటీ అనేలా చేస్తుంటాడు. అంతే కాకుండా అప్పుడపుడు మల్టి స్టారర్ సినిమాలతో పాటు అతిధి పాత్రలను చేస్తూ ఉన్న నాలుగు నిమిషాలు సినిమా స్థాయిని పెంచే విధంగా తన పాత్రకు న్యాయం చేస్తుంటాడు.

చివరగా వెంకీ తన మేనల్లుడు అక్కినేని నాగ చైతన్య ప్రేమమ్ సినిమాలో అతిధి పాత్ర చేసి ఎంతగానో ఆకట్టుకున్నాడు. ఆ సిన్ కి వెంకీ క్యారెక్టర్ అన్ని విధాలుగా కరెక్ట్ గా సెట్ అయ్యింది. ఇక ఇప్పుడు అదే తరహాలో పవన్ కళ్యాణ్ సినిమాలో కూడా ఒక పాత్రను చేయబోతున్నాడట. ఇది అందరికి తెలిసిన విషయమే. ఇక లేటెస్ట్ అప్డేట్ విషయానికి వస్తే.. సినిమాలో కరెక్ట్ గా వెంకీ పాత్ర నాలుగ నిమిషాలు ఉంటుందట. ఆ పాత్ర ఎదో పెట్టాలని నామమాత్రంగా పెట్టలేదట.

కరెక్టుగా సందర్భానుసారం ఆ పాత్ర వచ్చి పవన్ క్యారెక్టర్ తో మాట్లాడుతుందట. అందుకు మాటల మాంత్రికుడు మంచి డైలాగులనే రాశాడట. సినిమా స్థాయిని ఆ నాలుగు నిముషాలు పెంచుతాయని తెలుస్తోంది. త్రివిక్రమ్ ఏ విధంగా రాస్తాడో ప్రత్యేకంగా చెప్పనక్కర్లేదు. ఇక స్టార్ హీరో కాబట్టి అది కూడా అతిధి పాత్ర కాబట్టి సిన్ ప్రేక్షకులకు నచ్చేట్టు రాసి ఉంటాడని ఓ నమ్మకంతో చెప్పవచ్చు. ఇప్పటికే డబ్బింగ్ కూడా అయిపోయిందట. మరి ఆ సిన్ ఎంతవరకు ఆకట్టుకుంటుందో చూడాలి. ఇక సినిమా జనవరి 10న ప్రపంచవ్యాప్తంగా రిలీజ్ కాబోతోన్న సంగతి తెలిసిందే.