వెంకీ వారసుడి హ్యాండ్సమ్ లుక్ కి ఫ్యాన్స్ ఫిదా...!

టాలీవుడ్ లో సీనియర్ హీరోలుగా అలరిస్తున్న చిరంజీవి - నాగార్జున - బాలయ్య ఇలా అందరు స్టార్ హీరోలు డైలీ లైఫ్.. వారి ఫ్యామిలీ.. పిల్లలు.. ఇలా అన్ని విషయాలు ప్రతి ఒక్కరికీ తెలుసు. అయితే వారితో పాటు సీనియర్ హీరోగా అలరిస్తున్న విక్టరీ వెంకటేష్ గురించి మాత్రం ఇండస్ట్రీ బయట వ్యక్తులకి పెద్దగా తెలియదు. వెంకటేష్ భార్య పిల్లలు ఎవరు.. వారు ఏం చేస్తున్నారు.. ఇలాంటి విషయాలు ఎవ్వరికీ పెద్దగా తెలియవు. అంతేకాకుండా వెంకటేష్ తన భార్యా పిల్లలను ఎప్పుడూ సినిమా ఫంక్షన్ లకు గానీ.. బయట జరిగే ప్రోగ్రామ్స్ కు గానీ తీసుకురాడు. వెంకటేష్ - నీరజా దంపతులకు నలుగురు పిల్లలు ఉన్నారు. వారిలో ఆశ్రిత - హయవాహిని - భావన అనే ముగ్గురు కుమార్తెలు.. అర్జున్ అనే కుమారుడు ఉన్నారు. అయితే వెంకటేష్ తనయుడు అర్జున్ మాత్రం అప్పుడప్పుడు తళుక్కుమంటుంటాడు. వెంకటేష్ - మహేష్ కలిసి నటించిన 'సీతమ్మ వాకిట్లో సిరిమల్లె చెట్టు' ఆడియో ఫంక్షన్ లో.. వెంకీ - పవన్ కాంబోలో వచ్చిన 'గోపాల గోపాలా' ప్రీ రిలీజ్ ఈవెంట్స్ లలో దగ్గుబాటి అర్జున్ కనిపించాడు. అంతేకాకుండా వెంకటేష్ పెద్ద అమ్మాయి ఆశ్రిత వివాహ వేడుకల్లో కూడా అర్జున్ కనిపించాడు. ఆ తర్వాత మళ్ళీ ఎప్పుడు తారసపడలేదు. అయితే ఇప్పుడు లేటెస్టుగా మరోసారి దర్శనమిచ్చాడు అర్జున్.

దగ్గుబాటి రానా - మిహికా ఫ్యామిలీ గెట్ టూ గెదర్ జరిగిన విషయం తెలిసిందే. ఈ నేపథ్యంలో సినీ ప్రముఖులందరూ రానా - మిహికా జంటకి విషెస్ చెప్తూ సోషల్ మీడియాలో వారి ఫోటోలను షేర్ చేస్తూ వస్తున్నారు. అయితే ఆ ఫోటోలను చూసి ఫ్యాన్స్ అందరూ సంతోషం వ్యక్తం చేస్తుంటే కొంతమంది దగ్గుబాటి డై హర్డ్ ఫ్యాన్స్ మాత్రం ఒక మూలన నిల్చున్న అర్జున్ ని ఫైండ్ అవుట్ చేసారు. ఇంకేముంది దగ్గుబాటి ఫ్యామిలీ నుండి కాబోయే హీరో అంటూ ఆ ఫోటోని షేర్ చేసేస్తున్నారు. గతంలో అర్జున్ ని చూసిన వారు ఇప్పుడు ఈ ఫొటోలో అర్జున్ లుక్ చూసిన వారు షాక్ అవుతున్నారు. ఆశ్రిత పెళ్లి సమయంలో చిన్న పిల్లాడిలా కనిపించిన అర్జున్ ఇప్పుడిప్పుడే మొలుస్తున్న గడ్డంతో.. నూనూగు మీసాలతో పెద్ద వాడిలా హ్యాండ్సమ్ లుక్ లో కనిపిస్తున్నాడు. ఈ ఫోటోలను చూసిన వెంకీ ఫ్యాన్స్ అర్జున్ సిల్వర్ స్క్రీన్ ఎంట్రీ త్వరలోనే ఉండేలా ఉందని అనుకుంటున్నారు. అయితే వెంకీ మాత్రం అర్జున్ స్టడీస్ పూర్తయిన తర్వాత సినిమాల్లోకి తీసుకొస్తారని తెలుస్తోంది. ఏదేమైనా దగ్గుబాటి వారసుడు ఒక్కసారిగా అలా హ్యాండ్సమ్ లుక్ లో కనిపించడంతో ఫ్యాన్స్ ఖుషీ అవుతున్నారు.