మేనల్లుడు సినిమాలో వెంకీ స్పెషల్ గెస్ట్

నాగ చైతన్య నటించిన ప్రేమమ్ మూవీలో తాను చేసిన స్పెషల్ రోల్ ని అభిమానులు ఇంకా మరిచిపోక ముందే మరోసారి గెస్ట్ అప్పీరెన్స్ ఇచ్చేందుకు రెడీ అవుతున్నాడట విక్టరీ వెంకటేశ్. అయితే ఈసారి పెద్ద మేనల్లుడు సినిమాలో కాకుండా చిన్న మేనల్లుడు అఖిల్ మూవీలో వెంకీ గెస్ట్ అప్పీరెన్స్ ఇస్తున్నట్లుగా వార్తలు వస్తున్నాయి. అఖిల్ డెబ్యూ మూవీ ఫ్లాప్ అవ్వడంతో తన రెండో మూవీ హలో విషయంలో చాలా జాగ్రత్తలు తీసుకుంటున్నాడట, చాలా వడపోతలు తరువాత విక్రమ్ కుమార్ చెప్పిన కథకు అఖిల్ గ్రీన్ సిగ్నెల్ ఇచ్చిన సంగతి తెలిసిందే. అందుకు తగ్గట్లుగానే విక్రమ్ కుమార్ కూడా హలోని తెరకెక్కిస్తున్నట్లుగా చిత్ర వర్గాలు చెబుతున్నాయి.

ఇటీవలే విడుదల చేసిన ఫస్ట్ లుక్ కూడా డిఫరెంట్ గా ఉండేలా హలో టీమ్ జాగ్రత్తలు తీసుకుంది. అన్ని వర్గాల ప్రేక్షకులకి చేరువయ్యే రీతిన అఖిల్ ఈ సినిమాను ప్లాన్ చేస్తున్నాడు. అందుకోసం తన మేనమామ వెంకటేశ్ కూడా రంగంలోకి దించేందుకు అఖిల్ సన్నాహాలు చేస్తున్నట్లుగా సమాచారం. వెంకటేశ్ ఈ సినిమాలో కొద్ది నిమషాలు పాటు తళుక్కున మెరవబోతున్నాడని విశ్వసనీయ వర్గాలు చెబుతున్నాయి. అయితే అది పాటలోనా లేక ఏదైనా యాక్షన్ ఎపిసోడ్ లోనా అనే విషయం పై ప్రస్తుతానికి క్లారిటీ లేదు. ఇక తన అన్న చైతన్య సినిమాలో నటించి ఓ లక్కీ ఛార్మ్ గా మారిన వెంకీ ఇప్పుడు తనుకు లక్ తో పాటు సినిమాకి ఓ క్రేజ్ తీసుకొస్తాడని అఖిల్ భావిస్తున్నట్లుగా ఈ విషయం పై సినీజనాలు కామెంట్స్ చేస్తున్నారు. మరి ఈ విమర్శలకి అఖిల్ ఎలాంటి రిప్లై ఇస్తాడో చూడాలి.