వెంకీ చూపు త్రివిక్రమ్ వైపు

మాటల మాంత్రికుడిగా త్రివిక్రమ్ కు పేరు రావడంలో వెంకీ పాత్ర ఎంతో కొంత ఉందనే చెప్పాలి. నువ్వు నాకు నచ్చావ్ దర్శకుడు విజయ్ భాస్కర్ అయినప్పటికీ దానికి రచయితగా పనిచేసింది త్రివిక్రమ్. అందులో తనకు మాత్రమే సాధ్యమయ్యే టైమింగ్ తో వెంకీ డైలాగ్స్ ని పేల్చడంతో జనానికి ఓ రేంజ్ లో వెళ్లిపోయాయి. ఇప్పటికీ అమ్మ కవితను సునీల్ తో వెంకీ డీల్ చేసిన సీన్స్ ను సోషల్ మీడియా మేమ్స్ కోసం వాడుతూనే ఉంటారు. అంతకు ముందు ఇదే పెన్ను బలాన్ని త్రివిక్రమ్ స్వయంవరం చిరునవ్వుతో సినిమాల్లో చూపించినా వేణు హీరో కాబట్టి ఇంత ఎలివేషన్ వాటికి రాలేదు. అందుకే త్రివిక్రమ్ అంటే వెంకీకి చాలా ప్రత్యేకమైన అభిమానం. త్వరలో ఈ కాంబో మరోసారి కలవబోతున్నట్టు తాజా సమాచారం. ప్రస్తుతం అరవింద సమేత వీర రాఘవ పూర్తి చేసే పనిలో ఊపిరి సలపనంత బిజీగా ఉన్న త్రివిక్రమ్ దాని తర్వాత వెంకటేష్ తో చేస్తాడట. అది కూడా హారికా హాసిని బ్యానర్ మీదే ఉంటుందని వినికిడి.

ఇది మరీ కొత్త వార్త కాదు కానీ గతంలో వెంకీ పుట్టిన రోజు సందర్భంగా హారికా టీమ్ ఓ యాడ్ కూడా మీడియాకు ఇచ్చింది. జాలీ ఎల్ఎల్బి 2 రీమేక్ చేయటం గురించి వార్తలు వచ్చాయి. కానీ త్రివిక్రమ్ రీమేక్ ల మీద ఆసక్తి చూపడు కాబట్టి వేరే సబ్జెక్టు తో ఇది రూపొందనున్నదని తెలిసింది. ప్రస్తుతం ఎఫ్2 తో పాటు వెంకీ మామ షూటింగ్స్ లో బిజీగా ఉన్న వెంకటేష్ మధ్యలో వచ్చే గ్యాప్ తో ఇది మొదలుపెట్టుకోవచ్చని తెలిసింది. కానీ అరవింద సమేత విడుదల అయ్యాకే త్రివిక్రమ్ దీని గురించి మాట్లాడతాడు. సో మరో నెల రోజులు వెయిట్ చేయాల్సిందే. ఏదేమైనా మరో సారి మేజిక్ కాంబినేషన్ రీపీట్ అయ్యే ఆవకాశాలు కనిపిస్తుండటంతో వెంకటేష్ ఫ్యాన్స్ ఫుల్ హ్యాపీగా ఉన్నారు.