మ‌హేష్ కి బౌండ్ స్క్రిప్టు వినిపించే టైమొచ్చింది!

ఛ‌లో- భీష్మ చిత్రాల‌తో టాలీవుడ్ లో ప్రామిస్సింగ్ డైరెక్ట‌ర్ గా స‌త్తా చాటారు వెంకీ కుడుముల‌. ఇంత‌కుముందే మ‌హేష్ కి వినిపించిన లైన్ ఓకే అయ్యింది. అనంత‌రం మ‌హేష్ కోసం అత‌డు పూర్తి బౌండ్ స్క్రిప్టును రెడీ చేస్తున్న సంగ‌తి తెలిసిన‌దే.

తాజా స‌మాచారం మేర‌కు వెంకీ బౌండ్ స్క్రిప్టుతో సంసిద్ధంగా ఉన్నారు. మహేష్ బాబుతో కలిసి స్క్రిప్టు చ‌ర్చ‌ల‌కు సిద్ధ‌మ‌వుతున్నారు. అందుకు మ‌హేష్ నుంచి గ్రీన్ సిగ్న‌ల్ వ‌చ్చింద‌ని తెలిసింది. ఒక‌వేళ ఈ ప్రాజెక్ట్ ఖాయ‌మైతే వంశీ పైడిప‌ల్లి.. ప‌ర‌శురామ్ ల‌ త‌ర్వాత ల‌క్కీయెస్ట్ యువ‌ద‌ర్శ‌కుడిగా అత‌డి పేరు మార్మోగుతుంద‌న‌డంలో సందేహ‌మేం లేదు.

వెంకీ కుడుముల సెన్సాఫ్ హ్యూమ‌ర్.. టైమింగ్ .. సున్నిత ఉద్వేగాల్ని తెర‌కెక్కించే తీరు అంద‌రికీ న‌చ్చుతుంది. ఛ‌లో.. భీష్మ చిత్రాల్లో ఇవే బ‌లాలుగా నిలిచాయి. ఇక త్రివిక్ర‌మ్ శిష్యుడిగా బాపు మార్క్ హాస్యం త‌న‌కు ప్ర‌ధాన ఆయుధంగా మార‌నుంది. ప్ర‌స్తుతం ప‌ర‌శురామ్ తో సినిమా చేస్తున్న మ‌హేష్ త‌దుప‌రి వెంకీకి ఓకే చెప్పే వీలుంద‌ని ఆల్మోస్ట్ స్క్రిప్టుతో మెప్పించే స‌త్తా అత‌డికి ఉంద‌ని గుస‌గుస‌లు వినిపిస్తున్నాయి.

నితిన్ ‌తో భీష్మా విజయం సాధించిన తరువాత కుడుములకు లభించిన అరుదైన అవకాశం ఇది. మహేష్ ‌కోసం ఇటీవ‌ల‌ అరడజను కథలు వెయిటింగ్.. అంతే సంఖ్య‌లో దర్శకులు త‌న‌ కోసం క్యూలో ఉన్నారు. ఇంత పోటీలో వెంకీకి ఆఫ‌ర్ ద‌క్కుతుందా? అన్న‌ది ఇప్ప‌టికి స‌స్పెన్స్. మ‌హేష్ మొదటగా ఎవరికి తేదీలు కేటాయిస్తారు? అన్న‌ది వేచి చూడాలి. స‌ర్కార్ వారి పాట చిత్రాన్ని పూర్తి చేయ‌డానికి మహేష్ కి మరో 6 నెలల స‌మ‌యం ప‌డుతుంది. ఈలోగా స్క్రిప్టు ఓకే అయితే కుడుముల ప్రీప్రొడ‌క్ష‌న్ ప‌నులు స్టార్ట్ చేస్తార‌న్న అంచ‌నాలేర్ప‌డ్డాయి.