ఛ‌లో త‌ర్వాత ఏడాదికి భీష్మ‌..నెక్ట్స్ ఎపుడు? ఎవ‌రితో?

ఎప్పుడు వ‌చ్చాం కాద‌న్నయ్యా.. బుల్లెట్ దిగిందా లేదా అన్న‌దే పాయింట్.. అచ్చంగా ఇలాగే ఉంది యంగ్ డైరెక్టర్ వెంకీ కుడుముల స్టైల్. యువ హీరో నాగ‌శౌర్య‌తో ఛ‌లో చిత్రాన్ని తెర‌కెక్కించి తొలి ప్ర‌య‌త్న‌మే చ‌క్క‌ని విజ‌యాన్ని అందుకున్నాడు. దీన్ని ల‌వ్ కామెడీ ట‌చ్ తో లాగించేసి ప్రేక్ష‌కుల‌తో మంచి మార్కులు వేయించుకున్నాడు. అనంత‌రం ఏడాది గ్యాప్ తీసుకున్న ఈ యువ ద‌ర్శ‌కుడు బీష్మ‌తో మ‌ళ్లీ మెగా ఫోన్ ప‌ట్టాడు. అయితే ద్వితీయ గండం త‌ప్ప‌ద‌ని అంద‌రూ భావించినా దానిని అధిగ‌మించాడు. బీష్మ చిత్రానికి స‌రికొత్త క‌థాంశాన్ని ఎంచుకుని బ్లాక్ బ‌స్ట‌ర్ విజ‌యంతో అంద‌రి అంచ‌నాల‌ను త‌ల‌క్రిందులు చేశాడు. దీంతో వెంకీ కుడుముల పేరు ప్ర‌స్తుతం మార్మోగుతోంది. నిఖిల్ కెరీర్ కి రైట్ టైమ్ లో స‌రైన బ్లాక్ బ‌స్ట‌ర్ ని అందించిన ద‌ర్శకుడిగానూ అత‌డిపై ప్ర‌శంస‌లు కురుస్తున్నాయి.

ఛ‌లో త‌ర్వాత ఏడాది ప‌ట్టింది. అయితే నెక్ట్స్ ఈ ద‌ర్శ‌కుడి ప్రాజెక్టు ఏమిటి ? ఎవ‌రితో సినిమా చేయ‌బోతున్నారు ? మ‌ళ్లీ యువ హీరోల‌కే అవ‌కాశం ఇస్తారా ? ఏదైనా అగ్ర హీరోతో సినిమా చేయ‌బోతున్నారా ? అంటే ఇప్ప‌టి వ‌ర‌కు ఎలాంటి క్లారిటీ ఇవ్వ‌లేదు. దీనిపై కొంద‌రు మీడియా మిత్రులు అడిగిన ప్ర‌శ్న‌ల‌కు వెంకీ కుడుముల సింపుల్ గా న‌వ్వేస్తూ.. స‌మాధానం దాట వేశారు. అయితే తాను ప్ర‌స్తుతం బీష్మ చిత్ర విజ‌యాన్ని ఎంజాయ్ చేస్తున్నాన‌ని.. ఇప్ప‌ట్లో ఎలాంటి ప్రాజెక్టులు చేప‌ట్ట‌డం లేద‌ని స్పష్టం చేశారు. మ‌రో వైపు అనేక మంది నిర్మాత‌లు వెంకీ కుడుముల‌ను సంప్ర‌దిస్తున్నార‌ట‌. త‌ను ఊ.. అని చెబితే చాలు బ్లాక్ చెక్ ఇచ్చేందుకు సైతం సిద్ధ‌మ‌వుతున్నార‌ట‌. అయితే వెంకీ కుడుముల మాత్రం తాను కొత్త ప్రాజెక్టు ప్రారంభించ‌డానికి కొంత స‌మ‌యం ఉంద‌ని వారికి సున్నితంగా చెప్పి పంపిస్తున్నారట‌.

అస‌లు విష‌య‌మేమిటంటే వెంకీ త‌న త‌ర్వాత చిత్రం కోసం క‌థ రెడీ చేసే ప‌నిలో ఉన్న‌ట్లు సినీ వ‌ర్గాలు గుస‌గులాడుతున్నాయి. ఈ యువ ద‌ర్శ‌కుడి నుంచి రానున్న త‌దుప‌రి చిత్రం మాస్ ప‌క్కా ఎలిమెంట్ తో ఉంటుందో ? ఇంకేదైనా హిస్టారిక‌ల్ క‌థాంశంతో ఉంటుందో ? లేదా ఫిక్ష‌న్ ను ఎంచుకుంటున్నారా ? అనే దానిపై సినీ ఇండ‌స్ట్రీలో అనేక ఊహాగానాలు వినిపిస్తున్నాయి. దేనికైనా వెంకీ పెద‌వి మెదిపితేనే స‌మాధానం దొరుకుతుందేమో!