వెంకీ మామ వెనుక నాయుడుగారి స్వప్నం

విక్టరీ వెంకటేష్ నాగ చైతన్య కాంబినేషన్ లో రూపొందుతున్న వెంకీ మామ షూటింగ్ క్రమం తప్పకుండ రెగ్యులర్ గా జరుగుతోంది. ఇప్పటికే కీలక భాగం పూర్తి కాగా త్వరలో పాటల చిత్రీకరణ మొదలుపెట్టనున్నారు. ఇదిలా ఉండగా సురేష్ ప్రొడక్షన్ వ్యవస్థాపకులు స్వర్గీయ డాక్టర్ డి రామానాయుడు గారి జయంతి సందర్భంగా ఓ స్పెషల్ పోస్టర్ ని రిలీజ్ చేసింది టీం.

కొడుకుని మనవడిని ఒకే సినిమాలో చూడాలని నాయుడు ఉన్నప్పుడే అనుకున్నారని కాని సరైన కథ దర్శకుడు ఆ టైంలో దొరకకపోవడంతో ఇప్పటికి కుదిరిందని గుర్తు చేస్తూ సురేష్ బాబు జ్ఞాపకాల్లోకి వెళ్లారు. అప్పుడు సాధ్యం కాకపోయినా ఇప్పటికైనా నెరవేరింది కాబట్టి స్వర్గంలో ఉన్న తన తండ్రి ఆత్మ మరింత సంతోషిస్తుందన్న ఆకాంక్షను వెలిబుచ్చారు. రానా కూడా ఇదే తరహాలో ఎమోషనల్ గా ఈ పోస్టర్ ని షేర్ చేయడం విశేషం

సురేష్ సంస్థను ప్రపంచ స్థాయిలో గుర్తింపు తెచ్చేలా కృషి చేసిన రామానాయుడు గారు నిజంగా ఈ కాంబో చూడకుండానే వెళ్ళిపోవడం కొంత వరకు లోటే. ప్రేమమ్ లో ఓ చిన్న సీన్ లో కలిసి నటించడం తప్ప మామ అల్లుళ్ళు మళ్ళి స్క్రీన్ షేర్ చేసుకోలేదు. ఇన్నాళ్ళకు ఇద్దరు అభిమానులకు జోష్ ఇచ్చేలా దర్శకుడు బాబీ వెంకీ మామను సెట్ చేశాడు. ఆగస్ట్ విడుదల ప్లాన్ చేసుకున్న వెంకీ మామ మీద ఇప్పటికే చాలా క్రేజ్ ఉంది.

ఈ ఏడాది టాప్ హిట్స్ ఎఫ్2 మజిలి రెండూ ఈ ఇద్దరి ఎకౌంటులోనే ఉండటంతో బిజినెస్ పరంగా కూడా దీనికి క్రేజ్ బాగా ఉంది. దేవి శ్రీ ప్రసాద్ సంగీతం అందిస్తున్న ఈ మూవీలో పాయల్ రాజ్ పుత్ రకుల్ ప్రీత్ సింగ్ హీరొయిన్లుగా నటిస్తున్నారు. త్వరలోనే టీజర్ విడుదలయ్యే అవకాశం ఉంది. నిజానికి ఇవాళే చేద్దామనుకున్నారు కాని సాంకేతిక కారణాల వల్ల వాయిదా పడినట్టు సమాచారం