మామ‌య్య ద‌గ్గ‌ర సిగ్గెందుకు భాయ్!

హ్యాపీ బ‌ర్త్ డే స‌ల్మాన్ భాయ్.. ప్ర‌స్తుత గూగుల్ లో ట్రెండింగ్ టాపిక్ ఇది. కండ‌ల వీరుడు.. మగువ‌ల గుండెల్లో మారాజు స‌ల్మాన్ ఖాన్ నేటితో 54వ వ‌సంతంలో అడుగు పెట్టాడు. జ‌స్ట్.. ష‌ష్ఠిపూర్తికి ఇంకో ఆరేళ్లు మాత్రమే భాయ్ వేచి చూడాల్సి ఉంటుంది ఈ మోస్ట్ ఎలిజిబుల్ బ్యాచిల‌ర్. బాలీవుడ్ టు టాలీవుడ్ బ్యాచిల‌ర్ సంఘానికి మ‌హారాజుగా ఆయ‌న సేవ‌ల్ని కీర్తిస్తూ ఇప్ప‌టికే అభిమానులు సోష‌ల్ మీడియాల్లో బ‌ర్త్ డే శుభాకాంక్ష‌లు చెబుతున్నారు.

ఇప్ప‌టికే ముంబై అదిరేలా భాయ్ బ‌ర్త్ డే పార్టీని సెల‌బ్రేట్ చేసేందుకు అందాల క‌థానాయిక‌లు క‌త్రిన కైఫ్‌- సోనాక్షి సిన్హా-ట‌బు-లులియా వంటుర్ స్వ‌యంగా ద‌గ్గ‌రుండి మ‌రీ ప్రిప‌రేష‌న్స్ చేశారు. ఈ వేడుక‌ల్లో ప‌లువురు బాలీవుడ్ స్టార్లు.. ఫిలింమేక‌ర్స్ పాల్గొన్నారు. ఇక ఇదే వేడుక‌లో ద‌బంగ్ 3 స్టార్లు స‌యీ మంజ్రేక‌ర్- కిచ్చ సుదీప్ పాల్గొన్నారు.

అదంతా స‌రే కానీ.. స‌ద‌రు సీనియ‌ర్ బ్యాచిల‌ర్ తో విక్ట‌రీ వెంక‌టేష్ స్నేహం ఎలాంటిదో తెలిసిందేగా. ఇదిగో లేటెస్టుగా వెంక‌టేష్ ద‌గ్గుబాటి ఇన్ స్టాగ్ర‌మ్ లో షేర్ చేసిన ఈ ఫోటో చూస్తే మీకే అర్థ‌మ‌వుతుంది. వెంకీ మామ అంటే సల్మాన్ భాయ్ కి ఎంత ఇష్ట‌మో ఈ ఫోటో చెప్ప‌క‌నే చెబుతోంది. వెంకీ హ‌గ్గిచ్చి మ‌రీ సెల్ఫీ తీసాడు. ఆ సెల్ఫీలో సిగ్గు ప‌డుతూనే.. వెంకీ భుజాల‌పై భాయ్ ఎంతో ఆప్యాయంగా వాలిపోయాడు. భాయ్ కి మామ అదిరిపోయే రేంజులో పుట్టిన‌రోజు గిఫ్ట్ ని ఇలా ఇచ్చార‌న్న‌మాట‌. ఇక సురేష్ ప్రొడ‌క్ష‌న్స్ తో.. విక్ట‌రీ వెంక‌టేష్ తో స‌ల్మాన్ భాయ్ అనుబంధం ఇప్ప‌టిది కాదు. నాయుడు గారు అగ్ర నిర్మాత‌గా కొన‌సాగే రోజుల నుంచే ఆ బంధం అలానే కొన‌సాగుతోంది. క‌పూర్ లు .. ఖాన్ ల‌తో అనుబంధం కొన‌సాగించ‌డంలో ద‌గ్గుబాటి హీరో వెంక‌టేష్ త‌న‌దైన క‌మ్యూనికేష‌న్ ని క‌లిగి ఉన్నారు.