గుర్తు పట్టకుండా మారిన వెంకీ వంటింటి ప్రియురాలు

వెంకటేష్‌ హీరోగా నటించిన ఇంట్లో ఇల్లాలు వంటింట్లో ప్రియురాలు సినిమా ఇప్పటికి టీవీలో వచ్చినప్పుడు ప్రేక్షకులు చూస్తూనే ఉన్నారు. ఫ్యామిలీ ఆడియన్స్ ను విపరీతంగా అలరించిన ఆ సినిమాలో వెంకటేష్‌ కు జోడీగా ఇద్దరు ముద్దుగుమ్మలు నటించిన విషయం తెల్సిందే. ఇంట్లో ఇల్లాలుగా అప్పటి స్టార్‌ హీరోయిన్ సౌందర్య నటించింది. ఇక వంటింట్లో ప్రియురాలి పాత్రతకు అప్పట్లో కొత్త అమ్మాయి అయిన వినీత ను తీసుకోవడం జరిగింది. నేపాలీ అమ్మాయి పాత్రలో అందంతో పాటు అభినయంతో కూడా ఆకట్టుకున్న వినీత టాలీవుడ్ లో స్టార్‌ హీరోయిన్ గా ఎదగలేక పోయింది. ఆ సమయంలో సౌందర్య స్టార్ డం ముందు వినీత నిలువలేక పోయింది.

వినీత తెలుగులో ఎక్కువ సినిమాలు చేయకున్నా ఇతర సినిమాల్లో భారీగానే సినిమాలు చేసింది. అన్ని భాషల్లో కలిపి దాదాపుగా 70 సినిమాల్లో నటించిన ఆమె అనూహ్యంగా వ్యభిచారం కేసులో అరెస్ట్‌ అవ్వడం వల్ల ఆమె కెరీర్‌ తలకిందులు అయ్యింది. జైలుకు వెళ్లిన వినీత ఆ తర్వాత మళ్లీ కనిపించలేదు. సుదీర్ఘ కాలం బ్రేక్ తర్వాత వినీత ఇటీవల ఒక కార్యక్రమంలో ఇలా కనిపించింది. ఆ సమయంలో ఈమెను చాలా మంది కనీసం గుర్తించడం కూడా లేదు. బాగా లావు అవ్వడంతో పాటు మొహంలో కూడా చాలా మార్పులు వచ్చాయి. రీ ఎంట్రీకి సిద్దంగా ఉన్నారా అంటూ ప్రశ్నిస్తే మంచి పాత్రలు వస్తే తప్పకుండా ప్రయత్నిస్తాను అంటోంది. ఇక తన గతం గురించి మాట్లాడుతూ తన సక్సెస్ ను ఓర్వలేక కొందరు తనను తప్పుడు కేసుల్లో ఇరికించారంటూ ఆవేదన వ్యక్తం చేసింది.