బాబాయి అబ్బాయి వెబ్ సిరీస్ షూటింగ్ పూర్తి

వెంకటేష్ మరియు రానా కలిసి 'రానా నాయుడు' అనే వెబ్‌ సిరీస్ ను నెట్‌ ఫ్లిక్స్ కోసం చేస్తున్న విషయం తెల్సిందే. గత కొన్ని నెలలుగా ముంబయిలో భారీ టెక్నికల్‌ వ్యాల్యూస్ తో భారీ తారాగణంతో రూపొందని ఈ వెబ్‌ సిరీస్ షూటింగ్‌ పూర్తి అయినట్లుగా యూనిట్‌ సభ్యులు అధికారికంగా ప్రకటించారు. షూటింగ్‌ ముగింపు సందర్బంగా తీసుకున్న ఫోటోను కూడా సోషల్‌ మీడియా ద్వారా షేర్‌ చేశారు.

రానా నాయుడు లో వెంకటేష్ మరియు రానాల లుక్స్ చాలా విభిన్నంగా ఉండబోతున్నాయి. బాబాయి అబ్బాయి కలిసి నటించడం వల్ల తెలుగు ప్రేక్షకుల్లోనే కాకుండా సౌత్‌ సినీ అభిమానులందరిలో కూడా ఆసక్తి నెలకొంది. నెట్‌ ఫ్లిక్స్‌ ఫస్ట్‌ టైమ్‌ తెలుగు లో ఒక భారీ వెబ్‌ సిరీస్‌ ను నిర్మించింది. ఈ వెబ్‌ సిరీస్ విషయంలో రానా మరియు వెంకటేష్ లు చాలా ఆసక్తిగా ఉన్నట్లుగా కనిపిస్తున్నారు.

మంచి కథ మరియు మంచి టీమ్‌ అవ్వడం వల్ల వెంకటేష్ ఈ వెబ్‌ సిరీస్ కు ఓకే చెప్పారట. షూటింగ్‌ పూర్తి అవ్వడంతో మరీ ఆలస్యం చేయకుండా ఈ వెబ్‌ సిరీస్‌ ను త్వరలోనే నెట్‌ ఫ్లిక్స్ లో స్ట్రీమింగ్ చేయబోతున్నట్లుగా కూడా తెలుస్తోంది. రానా మరియు వెంకటేష్ కలిసి నటించిన మొదటి ప్రాజెక్ట్‌ అవ్వడం వల్ల అభిమానులు ఆసక్తిగా ఎదురు చూస్తున్నారు.

బాబాయి అబ్బాయి కలిసి సినిమా చేయాలని కోరుకున్న అభిమానుల కోసం అన్నట్లుగా వెబ్‌ సిరీస్ ద్వారా రాబోతున్నారు. రానా నాయుడు చాలా విభిన్నమైన నేపథ్యంలో ఉంటుందని.. తప్పకుండా తెలుగు ప్రేక్షకులతో పాటు ఇతర భాషల ప్రేక్షకులు కూడా ఆధరించే విధంగా ఉంటుందని యూనిట్‌ సభ్యులు చెబుతున్నారు.

వెంకటేష్ ఇటీవలే ఎఫ్‌ 3 సినిమా తో ప్రేక్షకుల ముందుకు వచ్చాడు. మరో రెండు మూడు సినిమాలు కూడా చర్చల దశలో ఉన్నాయి. మరో వైపు రానా విరాట పర్వం సినిమా తో ప్రేక్షకుల ముందుకు వచ్చేందుకు సిద్దం అయ్యాడు. రానా కూడా ఒక సినిమా మొదలు పెట్టేందుకు రెడీ అవుతున్నాడు. ఒక వైపు సినిమాలు చేస్తూనే మరో వైపు వెబ్‌ సిరీస్ తో వెంకీ రానా రాబోతున్నారు.

రానా నాయుడు వెబ్ సిరీస్ సూపర్ హిట్‌ అయితే ఖచ్చితంగా తెలుగు సినిమా ఇండస్ట్రీకి చెందిన ప్రముఖులు ముఖ్యంగా స్టార్‌ హీరోలు వెబ్‌ సిరీస్ ల వైపు అడుగులు వేసే అవకాశాలు ఉన్నాయని విశ్లేషకులు అభిప్రాయం వ్యక్తం చేస్తున్నారు. సోషల్‌ మీడియాలో రానా నాయుడు వెబ్‌ సిరీస్ పై ఆసక్తికర చర్చ జరుగుతోంది.