ద‌స‌రా త‌ర్వాత‌ స‌మ్మ‌ర్.. వెంకీ టార్గెట్!

2019 సంక్రాంతి బాక్సాఫీస్ ని క్లీన్ స్వీప్ చేసిన సినిమా `ఎఫ్ 2`. ఈ సినిమా స‌క్సెస్ త‌ర్వాత వెంకీ రెట్టించిన‌ ఉత్సాహంతో వ‌రుస‌గా సినిమాల‌కు సంత‌కాలు చేస్తున్న‌ సంగ‌తి తెలిసిందే. ప్ర‌స్తుతం మేన‌ల్లుడు నాగ‌చైత‌న్య‌తో క‌లిసి `వెంకీ మామ` చిత్రంలో న‌టిస్తున్నారు. ఈ సినిమా చిత్రీక‌ర‌ణ శ‌ర‌వేగంగా పూర్త‌వుతోంది. మామ‌- అల్లుళ్ల క‌థ‌తో బాబి ద‌ర్శ‌క‌త్వంలో సురేష్ ప్రొడ‌క్ష‌న్స్ ఈ చిత్రాన్ని నిర్మిస్తోంది. ఈ చిత్రానికి వివేక్ కూచిభొట్ల స‌హ‌నిర్మాత‌గా వ్య‌వ‌హ‌రిస్తున్నారు. రాశీ- పాయ‌ల్ క‌థానాయిక‌లు.

ఈ సినిమా త‌ర్వాత వెంకీ `దేదే ప్యార్ దే` రీమేక్ కి గ్రీన్ సిగ్న‌ల్ ఇచ్చిన సంగ‌తి తెలిసిందే. లౌక్యం ఫేం శ్రీ‌వాస్ ఈ చిత్రానికి ద‌ర్శ‌క‌త్వం వ‌హించ‌నున్నారు. ఇప్ప‌టికే ఈ సినిమా స్క్రిప్టు ప‌నులు వేగంగా పూర్త‌వుతున్నాయి. ప్రీ ప్రొడ‌క్ష‌న్ ప‌నులు ముగింపులో ఉన్నాయ‌ని తెలుస్తోంది. ఆగ‌స్టు లేదా సెప్టెంబ‌ర్ లో లాంచింగ్ ఉంటుంద‌ని సురేష్ ప్రొడ‌క్ష‌న్స్ కాంపౌండ్ నుంచి తాజాగా రివీలైంది.

`వెంకీ మామ` ద‌స‌రాకి వ‌స్తోంది.. కాబ‌ట్టి 2020 స‌మ్మ‌ర్ కి ఈ రీమేక్ సినిమాని రిలీజ్ చేసేలా శ్రీ‌వాస్ బృందం ప్ర‌ణాళిక‌లు సిద్ధం చేస్తోంద‌ట‌. అజ‌య్ దేవ‌గ‌న్ - ర‌కుల్ ప్రీత్ జంట‌గా న‌టించిన `దేదే ప్యార్ దే` ఇటీవ‌ల రిలీజై బాక్సాఫీస్ వ‌ద్ద విజ‌యం సాధించిన సంగ‌తి తెలిసిందే. 50 వ‌య‌సు మ్యారీడ్ మ్యాన్ 26 వ‌య‌సు అమ్మాయితో ప్రేమ‌లో ప‌డితే అటుపై ఎలాంటి స‌మ‌స్య‌లు త‌లెత్తాయి? అన్న‌దానిని ఎంతో వినోదాత్మ‌కంగా చూపించిన చిత్ర‌మిది. పాతిక ప్రాయం అమ్మాయిగా ర‌కుల్ ప్రీత్ ఈ చిత్రంలో న‌టించింది. ర‌కుల్ న‌ట‌న‌కు ప్ర‌శంస‌లు ద‌క్కాయి. వెంకీ ఏజ్ కి త‌గ్గ క‌థాంశ‌మిది. వెంకీ స‌ర‌స‌న క‌థానాయిక‌గా ఎవ‌రిని ఫైన‌ల్ చేస్తారు? అన్న‌ది తెలియాల్సి ఉంది.