'ఆచార్య' వెన్నెల కామెడీ జల్లు

మెగా ఫ్యాన్స్‌ తో పాటు తెలుగు ప్రేక్షకులు అంతా కూడా మెగాస్టార్ చిరంజీవి 'ఆచార్య' సినిమా కోసం ఎంతో ఆసక్తిగా ఎదురు చూస్తున్నారు. మెగా స్టార్‌ చిరంజీవి సినిమా అంటేనే ఫ్యామిలీ మెంబర్స్ అంతా కలిసి చూడదగ్గ పూర్తి స్థాయి ఎంటర్‌ టైనర్‌ గా ఉంటుందనే టాక్ ఉంది. అందుకు తగ్గట్లుగానే ఆచార్య సినిమా ను ఒక సీరియస్ మెసేజ్‌ ఓరియంటెడ్‌ సినిమాగా రూపొందించడంతో పాటు మంచి ఆరోగ్యవంతమైన ఎంటర్ టైన్మెంట్‌ ను కూడా అందించబోతున్నట్లుగా తెలుస్తోంది. కొరటాల శివ సినిమాలో కామెడీ కాస్త తగ్గుతుందనే విమర్శలు ఉన్న నేపథ్యంలో ఆచార్య సినిమాతో దాన్ని అధిగమించేందుకు శ్రీధర్‌ సిపానతో కలిశాడు.

ఆచార్య సినిమా కోసం శ్రీధర్ రాసిన కామెడీ ట్రాక్ ఆకట్టుకునే విధంగా ఉంటుందట. ముఖ్యంగా చిరంజీవి మరియు వెన్నెల కిషోర్‌ ల కాంబో సీన్స్‌ ఆడియన్స్ ను తెగ నవ్వించే విధంగా ఉంటాయట. గతంలో చిరంజీవి బ్రహ్మానందం కాంబోలో వచ్చిన కామెడీ సీన్స్‌ తరహాలో ఆచార్య సినిమాలో చిరంజీవి మరియు వెన్నెల కిషోర్ కాంబో సీన్స్ ఉంటాయని అంటున్నారు. పెద్ద ఎత్తున అంచనాలున్న ఆచార్య సినిమా కు వెన్నెల కిషోర్‌ తన కామెడీతో అదనపు హంగులు అద్దుతాడని అంటున్నారు. రామ్‌ చరణ్‌ పాత్ర కూడా సీరియస్ గా సాగడంతో పాటు కాస్త హ్యూమర్ గా కూడా ఉంటుందని అంటున్నారు.