చిలసౌ స్టిల్ పై వెన్నెల కిషోర్ చిలిపి పంచ్

రాహుల్ రవీంద్రన్ దర్శకత్వంలో సుశాంత్ హీరోగా తెరకెక్కిన 'చి ల సౌ' ఆగష్టు 3 న రిలీజ్ కు సిద్ధం గా ఉంది. ఇప్పటికే రిలీజ్ చేసిన ప్రమోలతో మంచి బజ్ రావటంతో రెట్టించిన ఉత్సాహంతో 'చి ల సౌ' టీమ్ మరింతగా హైప్ పెంచేందుకు ప్రయత్నాలు చేస్తోంది. రీసెంట్ గా హీరో సుశాంత్ సినిమా ఆన్ లొకేషన్ స్టిల్ ను పోస్ట్ చేసి ఆ ఫోటోకు నెటిజెన్స్ ను ఓ మంచి క్యాప్షన్ ఇవ్వాల్సిందిగా కోరాడు.

ఫోటోలో హీరో సుశాంత్ కు డైరెక్టర్ రాహుల్ రవీంద్రన్ సీన్ వివరిస్తున్నట్టుగా ఉన్నాడు. ఈ ట్వీట్ కు స్పందించిన వెన్నెల కిషోర్ ఓ మంచి పంచ్ క్యాప్షన్ ఇచ్చాడు.

"రాహుల్ : బ్రో - క్లబ్ కు వెళ్ళేముందు ఏ విధమైన ఐడి కార్డులు తీసుకెళ్ళాలి? ఏంటో ఎవ్వరిని అడగరు - నన్ను అడుగుతున్నారు

సుశాంత్ : మీరు పూర్తిగా గడ్డం చేసుకోవద్దు బ్రో"

దీనికి రంగమ్మత్తగా పేరు తెచ్చుకున్న అనసూయ భరద్వాజ్ ఫ్లాట్ అయిపోయింది. 'హహహ!!! పర్ఫెక్ట్ !!!! క్యాప్షన్ అసలు అదిరిపోయిందంతే!!!" అంటూ ట్విట్టర్ రిప్లై ద్వారా వెన్నెల అన్నయ్యకు కితాబిచ్చింది. ఏంటిది? చిలసౌ టీమా చిలిపి టీమా.. ప్రేక్షకులకు తెలియాలంతే!