వాళ్ళు మహేష్ కోసం వెన్నెలను తెచ్చారు

సూపర్ స్టార్ ట్యాగ్ కు తగ్గట్టే మహేష్ బాబుకు తెలుగు ప్రేక్షకుల్లోనే కాకుండా బయట కూడా భారీ ఫాలోయింగే ఉంది. మరి అలాంటి ఫాలోయింగ్ ఉంది కాబట్టే కార్పోరేట్ బ్రాండ్స్ మహేష్ బాబు తో ఎండార్స్ మెంట్ డీల్స్ కుదుర్చుకుంటాయి. మహేష్ చేతిలో ఉన్న పలు అడ్వర్టైజ్ మెంట్ డీల్స్ లో ఆన్ లైన్ టిక్కెటింగ్ ప్లాట్ ఫామ్ అభి బస్ ఒకటి.

అభి బస్ మొదట రిలీజ్ చేసిన ప్రకటనల్లో మహేష్ బాబు - కృష్ణుడు తో కనిపించిన విషయం తెలిసిందే కదా. కానీ తాజాగా ప్రకటనలకు కృష్ణుడి స్థానంలో టాప్ కమెడియన్ వెన్నెల కిషోర్ ను తీసుకున్నారట. కృష్ణుడు ఈమధ్యకాలంలో సినిమాల నుండి దాదాపుగా ఫేడ్ ఔట్ అయ్యాడు. దీంతో వెన్నెల కిషోర్ ను తీసుకుంటే ఆడియన్స్ కు వెంటనే కనెక్ట్ అవుతారని అభి బస్ వారు భావించారట. ఈ యాడ్ షూటింగ్ ప్రస్తుతం రామోజీ ఫిలిం సిటీ లో జరుగుతోందట. మహేష్ బాబు- వెన్నెల కిషోర్ అనగానే పొట్ట చెక్కలయ్యే 'దూకుడు' కామెడీ గుర్తొస్తుంది. మరి అభి బస్ యాడ్ లో కూడా అలాంటి కామెడీ టచ్ ఇచ్చారో లేదో వేచి చూడాలి. ఈ ప్రకటనలు టీవీ చానల్స్ లోనే కాకుండా డిజిటల్ ప్లాట్ ఫామ్ లలో కుడా ప్రదర్శిస్తారని సమాచారం.

మరోవైపు మహేష్ బాబు తన ల్యాండ్ మార్క్ 25 వ సినిమా ఫస్ట్ లుక్, టైటిల్ అనౌన్స్మెంట్ ఆగష్టు 9 న మహేష్ పుట్టిన రోజున వస్తుందని అభిమానులు ఎంతో ఆసక్తిగా ఎదురు చూస్తున్నారు.