ఇలాంటి సెల్ఫీ ఎప్పుడైనా చూశారా?

వై షుడ్ బాయ్స్ హ్యావ్ ఆల్ ద ఫన్.. ఓ లేడీ బైక్ కు సంబంధించిన యాడ్లో వచ్చే స్లోగన్ ఇది. అమ్మాయిలు చాలా విషయాల్లో ఈ స్లోగన్ వాడుతుంటారు. ఐతే అబ్బాయిలకుండే లగ్జరీస్ అబ్బాయిలకున్నట్లే.. అమ్మాయిలకుండే ప్రివిలేజెస్ అమ్మాయిలకు ఉంటాయి. వాళ్లు ఒక మామూలు ఫొటో పెట్టినా దానికి సోషల్ మీడియాలో ఎన్ని లైకులొస్తాయో చెప్పాల్సిన పని లేదు. కానీ అబ్బాయిల ఫొటోలకు, సెల్ఫీలకు అస్సలు రెస్పాన్స్ ఉండదు. ఇక అమ్మాయిలు హాట్ హాట్ అవతారాల్లో ఫొటోలు దిగితే వాటికి ఎలాంటి స్పందన ఉంటుందో చెప్పాల్సిన పనిలేదు.

బెడ్ మీద పడుకుని ఓ అమ్మాయి సెల్ఫీ దిగితే కుర్రాళ్లకు పిచ్చెక్కిపోతుంది. రెస్పాన్స్ అదిరిపోతుంది. ఈ టైపు సెల్ఫీలు మగాళ్లు అస్సలు దిగరు. ఐతే ఈ విషయంలో వై షుడ్ గర్ల్స్ హ్యావ్ ఆల్ ద ఫన్ అన్నట్లుగా మన స్టార్ కమెడియన్ వెన్నెల కిషోర్ తనదైన శైలిలో ఓ సెల్ఫీ దిగాడు. బెడ్ మీద పడుకుని.. చొక్కా లేని ఒంటి మీద దుప్పటి కప్పుకుని.. అమ్మాయిల్ని కవ్విస్తూ ఓ ఫొటో దిగి దాన్ని ట్విట్టర్లో షేర్ చేశాడు. మరి ఈ ఫొటోకు అమ్మాయిల నుంచి ఏమాత్రం రెస్పాన్స్ వచ్చిందో కానీ.. కిషోర్ చిలిపితనం చూసిన అతడి ఫాలోయర్లు మాత్రం భలే ఎంజాయ్ చేస్తున్నారు.