ఫోటో స్టొరీ: హాస్యబ్రహ్మతో హ్యాపీ సెల్ఫీ

టాలీవుడ్ సీనియర్ కమెడియన్ బ్రహ్మానందం నటించే సినిమాల సంఖ్య గత రెండు మూడేళ్ళుగా తగ్గింది. అయినా ఆయన లెజెండరీ కమెడియన్ స్టేటస్ కు వచ్చిన ఇబ్బందేమీ లేదు. ఇప్పటికీ ఆయనకు కింగ్ ఆఫ్ కామెడి అనే బిరుదు పదిలంగానే ఉంది. ఆయనకు రీసెంట్ గా ముంబైలో హార్ట్ సర్జరీ జరిగిన సంగతి తెలిసిందే. ప్రస్తుతం బ్రహ్మానందం విశ్రాంతి తీసుకుంటున్నారు.

చాలామంది ఫిలిం సెలబ్రిటీలు ఆయనను పరామర్శించడానికి వెళ్ళారు. తాజాగా వెన్నెల కిషోర్.. శ్రీనివాస్ రెడ్డి.. సత్య ముగ్గురూ బ్రహ్మానందాన్ని కలిసి కొంతసేపు గడిపారు. ఈ సందర్భంగా అయనతో సరదాగా ముచ్చటించడమే కాకుండా ఆయతో కలిసి ఒక మెమొరబుల్ సెల్ఫీ తీసుకున్నారు. ఈ సెల్ఫీని తన ట్విట్టర్ ఖాతా ద్వారా పోస్ట్ చేస్తూ వెన్నెల కిషోర్ "కింగ్ ఆఫ్ కామెడీతో ఎంతో విలువైన సమయం గడిపాం.. హ్యాపీగా బయటకు వచ్చాం. గురువుగారు త్వరలో షూటింగ్ లో పాల్గొంటారు." అంటూ ట్వీట్ చేశాడు.

ఈ ఫోటోలో అన్నిటికంటే హైలైట్ మాత్రం బ్రహ్మానందం నవ్వే.. తనదైన స్టైల్లో హాయిగా నవ్వారు. వెన్నెల కిషోర్... సత్య.. శ్రీనివాస్ రెడ్డి ముగ్గురూ ఎంత స్టార్ కమెడియన్లు అయినా బ్రహ్మానందంగారి దగ్గర ఎంతో వినయంగా ఉన్నారు. త్వరలోనే బ్రహ్మానందం సినిమాలలో నటించాలని.. ఈ ముగ్గురితో కూడా స్క్రీన్ షేర్ చేసుకోవాలని..ప్రేక్షకులను అలరించాలని కోరుకుందాం.