వెన్నెల కిషోర్ షూటింగ్ కష్టాలు.. వైరల్..

ఒకప్పుడు సూపర్ స్టార్ కృష్ణ ఏడాదికి 12 సినిమాల వరకూ చేసేవారట.. అన్నింటికి షూటింగ్ లకు హాజరవుతూ బిజీగా గడిపేవారు. ఆ తర్వాత తెలుగులో స్టార్ కమెడియన్ గా ఉన్న బ్రహ్మానందం కూడా ఒక్కో రోజు 5 సినిమాల షూటింగ్ లో పాల్గొంటూ బిజీగా ఉండేవారు... సినిమా ఇండస్ట్రీలో ఆఫర్లు వచ్చినప్పుడే అందిపుచ్చుకోవాలి.. ఆఫర్లు వెనక్కిపోతే మళ్లీ నిలదొక్కుకోలేం.

ప్రస్తుతం కమెడియన్ వెన్నెల కిషోర్ కు గుడ్ టైం నడుస్తోంది. అతడు వరుస సినిమాల్లో అవకాశం దక్కించుకుంటున్నాడు. తాజాగా వెన్నెల కిషోర్ ఓ వీడియోను పోస్టు చేశాడు. సోషల్ మీడియాలో యాక్టివ్ గా ఉండే ఈ కమెడియన్ పోస్టు చేసిన వెంటనే అది వైరల్ అయిపోయింది.

ప్రస్తుతం మాస్ మహారాజ రవితేజ హీరోగా శ్రీను వైట్ల దర్శకత్వంలో ‘అమర్ అక్బర్ అంటోనీ’ చిత్రంలో వెన్నెల కిషోర్ నటిస్తున్నారు. ఈ మూవీలో కీలకమైన పాత్ర కావడంతో రోజూ షూటింగ్ కు హాజరవుతున్నాడట.. అయితే ఈ మధ్య షూటింగ్ షెడ్యూల్ 15 నిమిషాలు ముందుకు ప్లాన్ చేయగా.. మేకప్ టైమ్ చాలా తక్కువగా ఉందంటూ ఏకంగా కారులో వెళుతూనే గడ్డం తీసుకున్నాడు. ట్రిమ్మర్ తో హెయిర్ కట్ చేస్తున్న వీడియోను పోస్టు చేశాడు. ఈ వీడియో ప్రస్తుతం వైరల్ గా మారింది.