ఈ సినిమాతో మరో జన్మ మొదలైనట్టు లెక్క!

కొంతకాలం క్రితం హీరోగా వేణు తొట్టెంపూడి కొన్ని సినిమాలు చేశాడు. 'స్వయంవరం' సినిమాతో తెలుగు తెరకి పరిచయమైన ఆయన, ఆ తరువాత కొన్ని హిట్ సినిమాల్లో చేశారు. ఆ తరువాత కొంతకాలానికి కేరక్టర్ ఆర్టిస్టుగా మరికొన్ని సినిమాలు చేసిన ఆయన 'దమ్ము' సినిమా తరువాత తెరపై కనిపించలేదు. పదేళ్ల తరువాత ఆయన 'రామారావు ఆన్ డ్యూటీ' సినిమాతో రీ ఎంట్రీ ఇచ్చాడు. ఈ సినిమాలో ఆయన పోలీస్ ఆఫీసర్ పాత్రలో కనిపించనున్నాడు. ఈ సినిమా ప్రీ రిలీజ్ ఈవెంట్ లో ఆయన మాట్లాడాడు.

ఇప్పుడే నా మాషప్ చూపించారు గదా .. అదంతా పోయిన జన్మలో .. ఇప్పటి నుంచి మరోజన్మ. ఇంతకుముందు మాదిరిగానే చేయాలని అనుకుంటున్నాను. మీ అందరి ఆశీస్సులు గతంలో ఎలా ఉన్నాయో .. ఇప్పుడు కూడా అలాగే ఉండాలని కోరుకుంటున్నాను. ముందుగా రవితేజ గారికి థ్యాంక్స్ చెప్పుకుంటున్నాను. ఆయన సినిమాతో రీ ఎంట్రీ ఇవ్వడం ఆనందాన్ని కలిగిస్తోంది. అలాగే ఈ సినిమా నిర్మాత సుధాకర్ చెరుకూరి గారికి ధన్యవాదాలు తెలియజేస్తున్నాను.

ఇక ముఖ్యంగా దర్శకుడు శరత్ మండవగారికి నేను కృతజ్ఞతలు చెప్పుకోవాలి. ఎందుకంటే సినిమాలు మానేసి వెళ్లిపోయిన నన్ను వెతుక్కుంటూ వచ్చిమరీ నాకు ఛాన్స్ ఇచ్చాడు. నాపై గల నమ్మకంతో నాకు ఈ అవకాశం కల్పించాడు. టీమ్ లోని ప్రతి ఒక్కరికీ కూడా ఈ స్టేజ్ మీదుగా నేను థ్యాంక్స్ చెబుతున్నాను. ఈ నెల 29వ తేదీన ఈ సినిమా రిలీజ్ అవుతోంది. అందరూ కూడా ఈ సినిమాను థియేటర్స్ కి వెళ్లి చూడండి .. తప్పకుండా ఎంజాయ్ చేస్తారు" అంటూ ముగించాడు.