హీరో విష్ణు వైఫ్ కి యాక్సిడెంట్

యువ నటుడు మంచు విష్ణు సతీమణి రోడ్డు ప్రమాదానికి గురయ్యారు. శనివారం ఈ ఘటన చోటు చేసుకుంది. పహాడీషరీఫ్ పరిధిలోని జల్ పల్లి వద్ద జరిగిన రోడ్డు ప్రమాదంలో ఆమె గాయపడ్డారు. జల్ పల్లిలోని ఫాంహౌస్ కు వెళ్లే క్రమంలో ఈ ప్రమాదం చోటు చేసుకుంది. గుర్తు తెలియని వాహనం ఒకటి ఆమె ప్రయాణిస్తున్న వాహనాన్ని ఢీ కొట్టినట్లు చెబుతున్నారు.

మంచు విష్ణు సతీమణితో పాటు మరొకరికి గాయాలు అయినట్లు తెలుస్తోంది. వెరొనికా ప్రయాణిస్తున్న కారు వోల్వో యుఎస్వీ కావటంలో ఆమెకు పెద్ద గాయాలు కాలేదని తెలుస్తోంది. ప్రమాదం జరిగిన వెంటనే ఆమెను జూబ్లీహిల్స్ లోని అపోలో ఆసుపత్రికి తరలించి చికిత్స చేస్తున్నారు. వెరొనికా ప్రయాణిస్తున్న కారు హైఎండ్ కావటంతో ఈ ప్రమాదంలో స్వల్ప గాయాలు అయినట్లు తెలుస్తోంది. ఘటనా స్థలానికి చేరుకున్న పహాడీ షరీఫ్ పోలీసులు కేసు నమోదు చేసి.. యాక్సిడెంట్ కు కారణమైన కారు ఆచూకీ తీసే ప్రయత్నంలో ఉన్నారు.