కమెడియన్ తో సీరియస్ మూవీ.. వెట్రిమారన్ లెక్క ఏంటో..!

కోలీవుడ్ స్టార్ డైరెక్టర్స్ లో వెట్రిమారన్ ఒకరు.. ఆయన చేసే ప్రతి సినిమా ఆడియన్స్ కు బాగా నచ్చుతాయి. ముఖ్యంగా ధనుష్ తో ఆయన చేసిన సినిమాలు బీభత్సం సృష్టించాయి. అసురన్ సినిమా తర్వాత పావ కడైగల్ అనే ఆంథాలజీ లో ఒక ఎపిసోడ్ డైరెక్ట్ చేసిన వెట్రిమారన్ లేటెస్ట్ గా విడుదలై సినిమాతో వస్తున్నారు. ఈ సినిమా ట్రైలర్ రిలీజైంది. తమిళం లో కమెడియన్ గా చేస్తున్న సూరి ఇందులో సీరియస్ రోల్ చేశారు. విజయ్ సేతుపతి కూడా మరోసారి మరో విలక్షణ పాత్రలో కనిపిస్తున్నారు.

వెట్రిమారన్ విడుదలై ట్రైలర్ ఇంప్రెస్ చేసింది. కానీ కమెడియన్ తో ఇంత సీరియస్ సినిమా ఎంతవరకు వర్క్ అవుట్ అవుతుంది అన్నది ఆడియన్స్ ని కన్ఫ్యూజ్ చేస్తుంది. అయితే కమెడియన్ అయినంత మాత్రాన అతను సీరియస్ పాత్రలు చేయకూడదు అని కాదు కానీ..

వేరే వాళ్ల కన్నా కమెడియన్స్ ని చూడటం కొద్దిగా ఇబ్బంది అని చెప్పొచ్చు. అయితే వెట్రిమారన్ ఏం చేసినా అలానే ఉంటుంది. అందుకే కమెడియన్ సూరితో సాహసం చేశారు. సినిమాలో గౌతం మీనన్ కూడా నటించారు.

తను తీసే సినిమాల్లో హీరో ఎవరన్నది కాదు తను రాసుకున్న పాత్ర ఎవరికి పర్ఫెక్ట్ గా సూట్ అవుతుందో వారితో ప్రయోగం చేయడమే గొప్ప దర్శకుడి టాలెంట్. వెట్రిమారన్ కూడా దాదాపు అదే చేశారు. విడుదలై ఒక పీరియాడికల్ క్రైమ్ డ్రామాగా వస్తుంది.

ఈ సినిమాతో వెట్రిమారన్ మరోసారి తన సత్తా చాటాలని చూస్తున్నారు. ట్రైలర్ ఆసక్తికరంగా ఉండగా మార్చి 31న ఈ సినిమా ప్రేక్షకులను ఏమేరకు మెప్పిస్తుందో చూడాలి.

ధనుష్ తో వడ చెన్నై 2 ప్లానింగ్ లో ఉన్న వెట్రిమారన్ మరోపక్క ఎన్.టి.ఆర్, ధనుష్ మల్టీస్టారర్ మూవీని కూడా ప్లాన్ చేస్తున్నట్టు తెలుస్తోంది. వెట్రిమారన్ డైరెక్షన్ లో ఎన్.టి.ఆర్ ని ఇలా రా అండ్ రియలిస్టిక్ పాత్రలో చూడాలని ఫ్యాన్స్ కూడా కోరుతున్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.