షాక్‌: ఉత్తమ విలన్‌ను బ్యాన్‌ చేయాల్సిందే

అసలు కమల్‌ హాసన్‌ సినిమా అంటేనే ఎవరో ఒకరు హర్ట్‌ అవ్వకుండా ఉండరనుకుంట. ఒకసారేమో గాంధీ గారి ఫాలోవర్లు హర్ట్‌ అవుతారు. ఇంకోసారి ముస్లిం సంఘాలు హర్ట్‌ అవుతాయి. ఇప్పుడేమో హిందువులు హర్ట్‌ అయ్యారట. పాపం కమల్‌, ఎప్పుడు ఏ సినిమాను రిలీజ్‌ చేద్దామనుకున్నా కూడా ఈ హర్టయ్యే జనాల సంఘం మనోభావాలు దెబ్బతినకుండా ఉండట్లేదు.

''ఉత్తమ విలన్‌ సినిమాలోని ఓ పాటలో ప్రహ్లాదుడు, హిరణ్యకశిపుడు మధ్య జరిగే సంభాషణ ఉంది. ఈ సంభాషణలో విష్ణుమూర్తిని కాస్త దూషించారు. అవన్నీ వింటే ఇప్పుడు విష్ణుమూర్తిని ఆరాధాంచేవారి మనోభావాలు దెబ్బతింటాయి. అందుకే ఈ సినిమాను బ్యాన్‌ చేయాలని కోరుతున్నాం'' అంటూ విశ్వహిందూ పరిషద్‌ నేతలు ఇప్పుడు చెన్నయ్‌ పోలీస్‌ కమీషనర్‌ను కలిశారు. హిందువుల మనోభావాలను దెబ్బతీసేలా కమల్‌ సినిమా తీయడం చాలా బాధాకరంగా ఉందంటూ విహెచ్‌పి లీడర్‌ కె.ఎల్‌.సత్యమూర్తి ఈ సినిమా బ్యాన్‌కు పిలుపునిచ్చారు. బహుశా సినిమాను సినిమాగా చూడలేకపోతున్నా అని చెప్పడానికి మరొక ఉదాహరణ ఇది. ఇకపోతే ఈ బ్యాన్‌ డిమాండ్‌ ప్రభావం ఉత్తమ విలన్‌ మీద ఎంతవరకు ఉంటుందో చూడాల్సిందే.