స్టార్ హీరోతో.. పెద్ద ప్లానే వేశారు

బాలీవుడ్ లో అత్యధిక పారితోషికం తీసుకునే యాక్టర్లలో హృతిక్ రోషన్ పేరు ప్రముఖంగా వినిపిస్తుంది. అయితే ఎంత మొత్తం ఇచ్చి అయినా హృతిక్ తో సినిమాలు చేసేందుకు ప్రొడ్యూసర్స్ ఎప్పుడూ క్యూలో ఉంటారు. ఇప్పుడు హృతిక్ కోసం ఓ కార్పొరేట్ సంస్థ బడా ప్లాన్ నే వేసుకుంది. అదే విషయంపై సుదీర్ఘంగా చర్చోపచర్చలు జరిపేస్తోందని తెలుస్తోంది.

వయాకామ్ 18 మోషన్ పిక్చర్స్ సంస్థ వర్గాలు.. తాజాగా హృతిక్ రోషన్ ను కలిసి.. బోలెడన్ని స్క్రిప్ట్ లపై చర్చలు జరిపినట్లు బాలీవుడ్ లో చెప్పుకుంటున్నారు. సహజంగా ఒక స్క్రిప్ట్ తోనో.. స్టోరీ లైన్ తోనో ఇలా కలుస్తుంటారు. కానీ అరడజన్ కి పైగా స్క్రిప్ట్ లతో కలవడమే ఆశ్చర్యం కలిగిస్తోంది. ఇంతకీ విషయం ఏంటంటే.. హృతిక్ రోషన్ తో వరుస సినిమాల డీల్ మాట్లాడుకునేందుకు వయాకామ్ ప్రయత్నిస్తోందట. ఈ సూపర్ స్టార్ స్టామినా ఏంటో ఇప్పటికే తెలుసు కాబట్టి.. ప్రస్తుతం ఆ హీరో అందుకుంటున్న రెమ్యూనరేషన్ కి కొంత అదనంగా ముట్టేలా డీల్ ను ప్రపోజ్ చేసిందని తెలుస్తోంది.

అందులో భాగంగానే అనేక స్టోరీలపై డిస్కషన్స్ చేశారని అంటున్నారు. స్టోరీ లైన్స్ ఓకే అయితే మాత్రం.. వయాకామ్ డీల్ కి హృతిక్ ఓకే చెప్పేసే అవకాశాలే ఎక్కువగా ఉన్నాయని టాక్.

Like Us on Facebook : https://www.facebook.com/Tupakidotcom/