ఫొటోటాక్ : పూర్తిగా సర్దార్‌ గా మారిన విక్కీ

బాలీవుడ్‌ యంగ్‌ ట్యాలెంటెడ్ హీరో విక్కీ కౌశల్‌ మరోసారి ప్రేక్షకుల ముందు ఓ అద్బుతాన్ని ఆవిష్కరించేందుకు సిద్దం అయ్యాడు. ఇప్పటి వరకు ఆయన నటించిన సినిమాలన్నింటిలో కూడా చాలా స్పెషల్ గా నటించి విక్కీ కౌశల్ గా కాకుండా ఆ సినిమాలోని పాత్రగానే కనిపించాడు. ఎక్కడో ఒక్క చోట రెండు చోట్ల విక్కీ కౌశల్‌ అనిపించినా కూడా పూర్తిగా సినిమాలోని పాత్రే కనిపించేది. అంతటి అద్బుతమైన నటన మరియు అంతటి ఇన్వాల్వ్‌ మెంట్‌ ను చూపించే విక్కీ కౌశల్ మరోసారి సర్దార్‌ ఉద్దమ్‌ సింగ్‌ సినిమా కోసం మరోసారి పరకాయ ప్రవేశం చేసినట్లుగా అనిపిస్తుంది.

చరిత్రలో ఎప్పటికి ఉండి పోయే.. ఇండియన్స్ ప్రతి ఒక్కరు కూడా ఆ సంఘటనకు ఉలిక్కి పడే సంఘటనతో సినిమాను చేసేందుకు సిద్దం అయ్యాడు. అదే జలియన్ వాలా బాగ్‌. ఆ సంఘటనకు కారకుడు అయిన వ్యక్తిని తుద ముట్టించేందుకు ఒక సాదారణ వ్యక్తి చేసిన ప్రయత్నమే ఈ సినిమాగా మేకర్స్ నుండి సమాచారం అందుతోంది. అద్బుతమైన కాన్సెప్ట్‌ తో రూపొందిన ఈ సినిమా కు అంతే అద్బుతమైన నటుడు తోడు అయితే ఖచ్చితంగా సినిమా బాక్సాఫీస్ వద్ద బిగ్గెస్ట్‌ సక్సెస్ ను దక్కించుకుంటుంది. అలాంటి బిగ్గెస్ట్ సక్సెస్ ను దక్కించుకునేందుకు గాను సర్దార్‌ ఉద్దమ్ సింగ్‌ సినిమాతో విక్కీ కౌశల్ వచ్చేందుకు సిద్దం అయ్యాడు. తాజాగా సినిమా నుండి ఆయన ఫస్ట్‌ లుక్‌ రివీల్‌ అయ్యింది.

ఫస్ట్ లుక్ లో విక్కీ కౌశల్‌ కనిపించకుండా సర్దార్‌ ఉద్దమ్‌ సింగ్ ను మాత్రమే జనాలు చూస్తున్నారు. అంతటి అద్బుతమైన నటనతో పాటు మేకప్ విషయంలో కూడా ఏమాత్రం తేడా రాకుండా లుక్‌ లో సర్దార్ ఉద్దమ్‌ సింగ్ ను గుర్తు చేసిన విక్కీ కౌశల్ ను సోషల్‌ మీడియాలో జనాలు అభినందనలతో ముంచెత్తుతున్నారు. అక్టోబర్‌ 16న అమెజాన్ ప్రైమ్‌ లో స్ట్రీమింగ్‌ అవ్వబోతున్న ఈ సినిమా కోసం బాలీవుడ్‌ సినీ అభిమానులు మాత్రమే కాకుండా ప్రతి ఒక్క సినీ ప్రియుడు కూడా వెయిట్‌ చేస్తున్నారు. ఈ సినిమాలో విక్కీ కౌశల్‌ నటనకు ఖచ్చితంగా జాతీయ స్థాయి అవార్డు వస్తతుందనే నమ్మకంను ఇండస్ట్రీ వర్గాల వారు వ్యక్తం చేస్తున్నారు.