ఆస్టార్ హీరో ముందుగా ఎవ‌ర్ని బ‌రిలోకి దించుతారో!

విక్ట‌రీ వెంక‌టేష్ సోలో స‌క్సెస్ అందుకుని చాలా కాల‌మ‌వుతోంది. కొన్నాళ్ల‌గా మ‌ల్టీస్టార‌ర్ చిత్రాలే చేస్తున్నారు. సేఫ్ జోన్ గా కాంబినేష‌న్ స్టోరీ చూసుకుని తెలివిగా సినిమాలు చేస్తున్నారు. `బాడీ గార్డ్` త‌ర్వాత వెంకీ చేసిన సినిమాలు దాదాపు అన్ని కాంబినేష‌న్ లోనే ఎక్కువ‌గా ఉన్నాయి. ఒక‌టి రెండు సోలో చిత్రాలు చేసిన అవేవి బాక్సాఫీస్ వ‌ద్ద ఆశించిన ఫ‌లితాలు సాధించ‌లేదు.

కొన్ని ఓటీటీలో నేరుగా రిలీజ్ అవ్వ‌డం తో బాక్సాఫీస్ వ‌ద్ద సౌండింగ్ మిస్ అయింది. మొత్తంగా వెంకీ బాక్సాఫీస్ ని సోలో గా షేక్ చేసి చాలా కాల‌మే అవుతుంది. ఈ నేప‌థ్యంలో వెంకీ సోలో సినిమాకి రెడీ అవుతున్నారా? స్ర్టెయిట్ తెలుగు సినిమా చేయ‌డానికి క‌స‌ర‌త్తులు ముమ్మ‌రం చేస్తున్నారా? అంటే అవుననే వినిపిస్తుంది. ఇప్ప‌టికే యంగ్ మేక‌ర్స్ త‌రుణ్ భాస్క‌ర్.. అనుదీప్ కె.వి వెంకీ క‌థ‌లు చెప్పి రెడీ గా ఉన్నారు.

రెండు క‌థ‌లపైనా వెంకీ పాజిటివ్ గానే ఉన్నారు. రీసెంట్ గా శివ నిర్వాణ కూడా వెంకీకి క‌థ వినిపించారుట‌. స్ర్కిప్ట్ న‌చ్చ‌డంతో చేద్దామ‌ని ప్రామిస్ చేసారుట‌. ఈ నేప‌థ్యంలో ముగ్గురు ద‌ర్శ‌కుల మ‌ధ్య త్రిముఖ పోరు మొద‌లైన‌ట్లు క‌నిపిస్తుంది. వెంకీ ముందుగా ఎవ‌రికి ఛాన్స్ ఇస్తారు? అన్న‌ది ఆస‌క్తిక‌రంగా మారింది. ఆర్డ‌ర్ ప్ర‌కారం చూస్తే త‌రుణ్ భాస్క‌ర్ చాలా కాలం క్రిత‌మే క‌థ చెప్పి వెయిట్ చేస్తున్నారు. ఆ లెక్క‌లో ఆయ‌న‌తోనే ముందుగా చేయాలి. అటుపై అనుదీప్ కెవి..ఆ త‌ర్వాత శివ‌తో చేయాల్సి ఉంటుంది.

కానీ వెంకీ సోలో సినిమా కాబ‌ట్టి ఈ ఆర్డ‌ర్ ఛేంజ్ అయ్యే అవ‌కాశం ఉంది. త‌రుణ్ భాస్క‌ర్ ఇప్పుడు స‌క్సెస్ ల్లో లేడు. న‌టుడిగా..ద‌ర్శ‌కుడిగా రెండు ప‌డ‌వ‌ల ప్ర‌యాణం చేస్తున్నాడు. ఆ ర‌కంగా త‌రుణ్ తో ఎప్పుడైనా సినిమా చేయ‌డానికి ఛాన్స్ ఉంది. ఇక అనుదీప్ ఇప్పుడిప్పుడే బిజీ అవుతున్నాడు. `జాతిర‌త్నాలు` తో త‌న కామెడీ టైమింగ్ కి అంతా ఫిదా అయ్యారు.

ఈ నేప‌థ్యంలో వెంక‌టేష్ కామెడీ టైమింగ్ ని మ్యాచ్ చేస్తూ వినోదాత్మ‌క‌మైన క‌థ‌ని తీసే అవ‌కాశం ఉంది. ఆ కాంబినేష‌న్ ఫెయిల‌వ్వ‌డానికి ఛాన్సెస్ చాలా త‌క్కువ‌ని చెప్పొచ్చు. ప్రేక్ష‌కుల్లో అంచ‌నాలు భారీగా ఉంటాయి. ఇక శివ నిర్వాణ వెంకీతో సినిమా అంటే? శివ జాన‌ర్ మార్చాల్సిందే. ఇంత వ‌ర‌కూ అత‌ను ల‌వ్ స్టోరీలే చేసాడు. `ట‌క్ జ‌గ‌దీష్` తో జాన‌ర్ మార్చినా వ‌ర్కౌట్ అవ్వ‌లేదు. ఈనేప‌థ్యంలో వెంకీ ఇమేజ్ ని దృష్టిలో పెట్టుకుని డిఫ‌రెంట్ అటెంప్ట్ చేయాల్సి ఉంటుంది. మ‌రి వెంక‌టేష్ ఈ ముగ్గురిలో ముందుగా ఎవ‌రికి అవ‌కాశం క‌ల్పిస్తారో చూడాలి.