వీడియో : ఆ షాంపైన్ బాటిల్‌ పైనే అందరి కళ్లు

సీనియర్ నటి సురేఖ వాణి సోషల్‌ మీడియాలో హీరోయిన్ ల స్థాయిలో చాలా యాక్టివ్‌ గా ఉంటారు. ఆమె తన కూతురుతో చేసిన వీడియోలు మరియు ఆమె కూతురుతో కలిసి దిగిన ఫోటోలను షేర్ చేయడంతో పాటు సోలో ఫోటోలను కూడా షేర్‌ చేసి ప్రతి ఒక్కరి దృష్టిని ఆకర్షిస్తూ ఉంటుంది. ఈమద్య కాలంలో సోషల్‌ మీడియా ద్వారా సురేఖ వాణి మరింత పాపులారిటీని సొంతం చేసుకున్న విషయం తెల్సిందే.

ఇన్ స్టా గ్రామ్‌ లో దాదాపుగా ఆరు లక్షల మంది ఫాలోవర్స్ కు చేరువలో ఉన్న ఈమె ప్రస్తుతం బ్యాంకాక్ లో బర్త్‌ డే సెలబ్రేషన్ లో ఉన్నారు. కూతురు తో కలిసి బర్త్‌ డే సెలబ్రేట్‌ చేసుకోవడం కోసం బ్యాంకాక్ వెళ్లిన ఈమె సోషల్‌ మీడియాలో షేర్ చేసిన ఫోటోలు మరియు వీడియోలు నెటిజన్స్ దృష్టిని ఆకర్షిస్తూ వైరల్‌ అవుతున్నాయి.

కేక్‌ కటింగ్‌ వీడియో తో పాటు షాంపైన్ బాటిల్ తో సురేఖ వాణి సందడి చేసింది. ఆ షాంపైన్ బాటిల్‌ ను సురేఖ తో కూతురు సుప్రిత తాగిస్తున్నట్లుగా కూడా ఫోటోలు వైరల్‌ అవుతున్నాయి. ఇప్పుడు అందరు కూడా అదే విషయాన్ని చర్చిస్తున్నారు.

మొత్తానికి తల్లి కూతుర్లు ఇద్దరు కూడా చాలా సరదాగా బర్త్‌ డే ను జరుపుకున్నట్లుగా ఫోటోలు వీడియోలు చూస్తుంటే అర్థం అవుతుంది. సురేఖ మరియు సుప్రితలు ఎప్పుడు కూడా సోషల్‌ మీడియాలో చర్చనీయాంశం అవుతూ ఉంటారు.

ఆ మద్య సుప్రీత హీరోయిన్‌ గా ఎంట్రీ ఇవ్వబోతుందనే వార్తలు వచ్చాయి. ఆ విషయమై ఇంకా ఎలాంటి క్లారిటీ రాలేదు. సురేఖ తనకు ఉన్న పరిచయాలతో ఇండస్ట్రీలో సుదీర్ఘ కాలంగా కొనసాగుతున్న అనుభవంతో సుప్రీత ను హీరోయిన్ గా పరిచయం చేయడం తో పాటు మంచి సినిమాల్లో ఆఫర్లు ఇప్పించే అవకాశం ఉంది.

తల్లి యొక్క పలుకుబడిని ఉపయోగించుకోకుండా సుప్రీత సొంతంగా తన అవకాశాలను దక్కించుకునేందుకు ప్రయత్నాలు చేస్తుంది. సోషల్‌ మీడియా ద్వారా తనకంటూ ప్రత్యేక గుర్తింపును దక్కించుకునేందుకు ఫోటో షూట్స్ ను షేర్‌ చేస్తోంది. హీరోయిన్ గా ఆమె మంచి భవిష్యత్తు ను కలిగి ఉందంటూ సురేఖ అభిమానులు అభిప్రాయం వ్యక్తం చేస్తున్నారు.