Begin typing your search above and press return to search.
వీడియో : ఎఫ్3 హంగామా... పైసా ఉంటే లోకమంత పెద్ద డాన్స్ క్లబ్‌
By: Tupaki Desk | 6 Feb 2022 7:31 AM GMT
వెంకటేష్‌.. వరుణ్ తేజ్ లు హీరోలుగా అనీల్ రావిపూడి దర్శకత్వంలో రూపొందిన ఎఫ్ 2 భారీ విజయం సొంతం చేసుకోవడంతో ఆ సినిమాకు సీక్వెల్‌ అన్నట్లుగా ఎఫ్ 3 సినిమా రూపొందుతోంది. ఇటీవలే ఈ సినిమా షూటింగ్ కార్యక్రమాలను పూర్తి చేసినట్లుగా చిత్ర యూనిట్‌ సభ్యులు అధికారికంగా ప్రకటించారు. ఇప్పటికే ఈ సినిమా విడుదల చేయాల్సి ఉన్నా కరోనా వల్ల షూటింగ్ ఆలస్యం అయ్యింది.. షూటింగ్ పూర్తి అయిన తర్వాత ఇతర సినిమాలు విడుదలకు క్యూ కట్టి ఉండటం వల్ల కాస్త ఆలస్యం అవుతోంది. ఎఫ్ 3 సినిమాను ఏప్రిల్ 28న ప్రేక్షకుల ముందుకు తీసుకు వచ్చేందుకు ఏర్పాట్లు చేస్తున్నారు. విడుదల తేదీ ఇంకా చాలా రోజులు ఉండగానే ఎఫ్ 3 హడావుడి మొదలు అయ్యింది.
ఎఫ్ 3 సినిమా నేపథ్యం మొత్తం కూడా ఇద్దరు హీరోలు డబ్బు కోసం పడే కష్టాలు.. డబ్బు సంపాదన కోసం వారు పడే పాట్లను ఫన్నీగా చూపించబోతున్నారట. కనుక మొదటి పాటను ఆ డబ్బు మీదే విడుదల చేయబోతున్నట్లుగా ఇప్పటికే ప్రకటించారు. అన్నట్లుగానే నేడు మొదటి పాట గ్లిమ్స్ ను విడుదల చేశాడు. లబ్ లబ్ డబ్‌ అంటూ సాగే ఈ పాటలో పైసా ఉంటే లోకమంత పెద్ద డాన్స్ క్లబ్‌ అనే వ్యాఖ్యం వాడారు. ఇక ర్యాప్ మాదిరిగా పాట ఉన్నట్లుగా కామెంట్స్ వస్తున్నాయి. దేవి శ్రీ ప్రసాద్‌ సంగీత సారధ్యంలో రూపొందిన ఈ పాటను ఈమద్య కాలంలో తెగ ట్రెండ్‌ అవుతున్న సింగర్ రామ్‌ మిర్యాల ఆలపించాడు. పూర్తి పాట రేపు అంటే ఫిబ్రవరి 7వ తారీకున ప్రేక్షకుల ముందుకు రాబోతుంది.
పాట చిత్రీకరణ చూస్తుంటే చాలా రిచ్ గా అనిపిస్తుంది. వెంకీ మరియు వరుణ్ ల గెటప్స్ కూడా చాలా యూనిక్ గా ఉన్నాయి. పెద్ద ఎత్తున విదేశీ డాన్సర్స్‌ ను కూడా ఈ పాటలో దించారు. ఇది ఇద్దరు హీరోలు కలిసి వేసుకునే డ్రీమ్‌ సాంగ్‌ అయ్యి ఉంటుంది అనిపిస్తుంది. ఏది ఏమైనా ఈ పాట తో సినిమా పై అంచనాలు మరింత పెరగడం ఖాయం అన్నట్లుగా తెలుస్తోంది. దిల్‌ రాజు ఈ సినిమా ను నిర్మిస్తున్నాడు. ఇక ఈ సినిమాలో వెంకీకి జోడీగా ఎఫ్ 2 లో మాదిరిగా తమన్నా నటిస్తుండగా వరుణ్ కు జోడీగా కూడా మెహ్రీన్‌ నటిస్తుంది. వీరి కాంబో హిట్ టాక్ ను దక్కించుకుంది కనుక ఖచ్చితంగా పైసా వసూళ్ల్‌ అన్నట్లుగా ఎఫ్ 3 నిలుస్తుందనే నమ్మకంను ఇండస్ట్రీ వర్గాల వారు మరియు సినీ విశ్లేషకులు అభిప్రాయం వ్యక్తం చేస్తున్నారు. లబ్ లబ్ డబ్బు పాట గ్లిమ్స్ ను మీరు చూసేయండి.
ఎఫ్ 3 సినిమా నేపథ్యం మొత్తం కూడా ఇద్దరు హీరోలు డబ్బు కోసం పడే కష్టాలు.. డబ్బు సంపాదన కోసం వారు పడే పాట్లను ఫన్నీగా చూపించబోతున్నారట. కనుక మొదటి పాటను ఆ డబ్బు మీదే విడుదల చేయబోతున్నట్లుగా ఇప్పటికే ప్రకటించారు. అన్నట్లుగానే నేడు మొదటి పాట గ్లిమ్స్ ను విడుదల చేశాడు. లబ్ లబ్ డబ్‌ అంటూ సాగే ఈ పాటలో పైసా ఉంటే లోకమంత పెద్ద డాన్స్ క్లబ్‌ అనే వ్యాఖ్యం వాడారు. ఇక ర్యాప్ మాదిరిగా పాట ఉన్నట్లుగా కామెంట్స్ వస్తున్నాయి. దేవి శ్రీ ప్రసాద్‌ సంగీత సారధ్యంలో రూపొందిన ఈ పాటను ఈమద్య కాలంలో తెగ ట్రెండ్‌ అవుతున్న సింగర్ రామ్‌ మిర్యాల ఆలపించాడు. పూర్తి పాట రేపు అంటే ఫిబ్రవరి 7వ తారీకున ప్రేక్షకుల ముందుకు రాబోతుంది.
పాట చిత్రీకరణ చూస్తుంటే చాలా రిచ్ గా అనిపిస్తుంది. వెంకీ మరియు వరుణ్ ల గెటప్స్ కూడా చాలా యూనిక్ గా ఉన్నాయి. పెద్ద ఎత్తున విదేశీ డాన్సర్స్‌ ను కూడా ఈ పాటలో దించారు. ఇది ఇద్దరు హీరోలు కలిసి వేసుకునే డ్రీమ్‌ సాంగ్‌ అయ్యి ఉంటుంది అనిపిస్తుంది. ఏది ఏమైనా ఈ పాట తో సినిమా పై అంచనాలు మరింత పెరగడం ఖాయం అన్నట్లుగా తెలుస్తోంది. దిల్‌ రాజు ఈ సినిమా ను నిర్మిస్తున్నాడు. ఇక ఈ సినిమాలో వెంకీకి జోడీగా ఎఫ్ 2 లో మాదిరిగా తమన్నా నటిస్తుండగా వరుణ్ కు జోడీగా కూడా మెహ్రీన్‌ నటిస్తుంది. వీరి కాంబో హిట్ టాక్ ను దక్కించుకుంది కనుక ఖచ్చితంగా పైసా వసూళ్ల్‌ అన్నట్లుగా ఎఫ్ 3 నిలుస్తుందనే నమ్మకంను ఇండస్ట్రీ వర్గాల వారు మరియు సినీ విశ్లేషకులు అభిప్రాయం వ్యక్తం చేస్తున్నారు. లబ్ లబ్ డబ్బు పాట గ్లిమ్స్ ను మీరు చూసేయండి.
