వీడియో: క‌ళ్ల‌తోనే కోటిభావాలు ప‌లికించిన జాన్వీ

అతిలోక సుంద‌రి శ్రీ‌దేవి న‌ట‌వార‌సురాలిగా జాన్వీ క‌పూర్ తెరంగేట్రం చేశాక త‌న‌కు అసాధార‌ణ ఫాలోయింగ్ పెరిగిన సంగ‌తి తెలిసిందే. జాన్వీ ఇప్ప‌టికే కెరీర్ ప‌రంగా దూసుకుపోతోంది. న‌టిగా మెరుగుల‌ద్దుకుంటోంది. ఇక సోష‌ల్ మీడియా క్వీన్ గానూ వెలిగిపోతోంది. వ‌రుస గా బోల్డ్ ఫోటోషూట్ల‌తో దుమారం రేపుతోంది.

తాజాగా జాన్వీ షేర్ చేసిన ఓ డ్యాన్సింగ్ వీడియో యువ‌త‌రంలో వైర‌ల్ గా మారింది. నిజానికి జాన్వీ కపూర్ సినీ పరిశ్రమలోకి అడుగుపెట్టక ముందే క్లాసికల్ డ్యాన్స్ లో శిక్షణ తీసుకున్న సంగతి తెలిసిందే. త‌ను తరచుగా ఇన్ స్టాగ్రామ్ లో తన డ్యాన్స్ వీడియోలను అభిమానుల కోసం షేర్ చేస్తుంటుంది.

ఇందులో క్లాసిక‌ల్ కూడా ఉంటుంది. శుక్రవారం అంతర్జాతీయ నృత్య దినోత్సవం కాబ‌ట్టి జాన్వీ తన ఇన్ స్టాగ్రామ్ లో రేఖ పాట `ఇన్ ఆంఖోన్ కి మస్తీ ని ఎంతో మనోహరంగా రీక్రియేట్ చేసిన వీడియోను షేర్ చేసింది. ఈ వీడియోలో జాన్వీ అభిన‌యం ఆంగికం ఆక‌ట్టుకున్నాయి. క‌ళ్ల‌తోనే కోటిభావాలు ప‌లికించింద‌ని అభిమానులు కితాబిచ్చేస్తున్నారు.

డ్యాన్స్ వీడియో లో ఫ్లోర్-లెంగ్త్ కుర్తాను ధరించి జాన్వీ ఎంతో అందంగా క‌నిపిస్తోంది. ``#tb నుండి 2 సంవత్సరాల క్రితం.. నా మొదటి భావ వ్య‌క్తీక‌ర‌ణ‌ ప్రయత్నాలలో ఈ వీడియో ఒకటి. మిస్ ఇట్ :( అందరికీ అంతర్జాతీయ నృత్య దినోత్సవ శుభాకాంక్షలు! నేను 2 రోజులు ఆలస్యంగా ఈ వీడియోతో వ‌చ్చాను`` అని వెల్ల‌డించింది.

కెరీర్ మ్యాట‌ర్ కి వ‌స్తే.. జాన్వీ వ‌రుస చిత్రాల‌తో బిజీగా ఉంది. రొమాంటిక్ కామెడీ దోస్తానా 2 విడుద‌ల‌కు రావాల్సి ఉంది. అలాగే ఆనంద్ ఎల్ రాయ్ నిర్మించిన `గుడ్ లక్ జెర్రీ`లో జాన్వీ కపూర్ నటిస్తోం. హెలెన్ రీమేక్ `మిల్లీ`లోను నాయిక‌. రూహి సహనటుడు రాజ్‌కుమార్ రావుతో మిస్టర్ అండ్ మిసెస్ మహి లో న‌టిస్తోంది. వరుణ్ ధావన్ తో `భ‌వాల్` అనే చిత్రం చేస్తోంది. నేటిత‌రంలో వ‌రుస ఆఫ‌ర్ల‌తో క్రేజీ నాయిక‌గా వెలిగిపోతోంది జాన్వీ.