వీడియోః ఆర్‌ఆర్‌ఆర్‌ భారీ యాక్షన్‌ ఎపిసోడ్‌ మేకింగ్‌

రాజమౌళి దర్శకత్వంలో రామ్‌ చరణ్‌.. ఎన్టీఆర్ లు నటిస్తున్న ఆర్‌ఆర్‌ఆర్ సినిమా చిత్రీకరణ తుది దశకు చేరుకుంది. ఈ సినిమాను అక్టోబర్‌ 13న విడుదల చేయబోతున్నారు. ఇండస్ట్రీ వర్గాల నుండి అందుతున్న సమాచారం ప్రకారం మార్చిలో సినిమా షూటింగ్‌ ను పూర్తి చేయాలని దర్శకుడు రాజమౌళి తీవ్రంగా కృషి చేస్తున్నారు. ప్రస్తుతం ఈ సినిమా భారీ యాక్షన్‌ సన్నివేశాల చిత్రీకరణ జరుపుతున్నారు.

అందుకోసం ఇండోర్‌ లో గ్రీన్‌ మ్యాట్‌ సెట్‌ ను ఏర్పాటు చేశారు. వందల కొద్ది లైట్లను ఏర్పాటు చేయడంతో పాటు ఎయిర్ ఎఫెక్ట్ తో ఫైటింగ్‌ సన్నివేశాలను చిత్రీకరిస్తున్నారు. అందుకు సంబంధించిన చిన్న వీడియోను యూనిట్‌ సభ్యులు షేర్‌ చేశారు.

గత ఏడాది సినిమా షూటింగ్‌ పూర్తి అయ్యి ఉంటే ఈ ఏడాది సంక్రాంతికి సినిమా విడుదల అయ్యి ఉండేది. కాని కరోనా కారణంగా సినిమా షూటింగ్‌ మద్యలోనే ఆగిపోయింది. ఇటీవలే పునః ప్రారంభం అవ్వడంతో సినిమా చిత్రీకరణ శరవేగంగా జరుపుతున్నారు. దాదాపుగా 400 కోట్ల బడ్జెట్‌ తో రూపొందుతున్న ఈ సినిమా లో బాలీవుడ్‌ మరియు ఇతర భాష ప్రముఖ నటీ నటులు నటిస్తున్నారు.

బాలీవుడ్‌ ప్రేక్షకులు ఎంతో ఆసక్తిగా ఎదురు చూస్తున్న ఈ సినిమా ఖచ్చితంగా బాహుబలి రేంజ్ లో వసూళ్లు సాధిస్తుందనే నమ్మకంను వ్యక్తం చేస్తున్నారు. ఆలియా భట్‌ మరియు ఇంగ్లీష్ ముద్దుగుమ్మలు పలువురు నటిస్తున్న ఈ సినిమా కు సంగీతాన్ని కీరవాణి అందిస్తున్న విషయం తెల్సిందే.

వీడియో కోసం ఇక్కడ క్లిక్ చెయ్యండి : https://twitter.com/i/status/1355403800647856129