వీడియో: మైక్ టైసన్ మాసిజం పంచ్ లే పంచ్ లు

రౌడీ విజ‌య్ దేవ‌ర‌కొండ క‌థానాయ‌కుడిగా పూరి జ‌గ‌న్నాథ్ ద‌ర్శ‌క‌త్వంలో లైగ‌ర్ తెర‌కెక్కుతున్న సంగ‌తి తెలిసిందే. బాక్సింగ్ - మిక్స్ డ్ మార్ష‌ల్ ఆర్ట్స్ నేప‌థ్యంలో ఆద్యంతం ర‌క్తి క‌ట్టించే క‌థ‌నంతో పూరి ఈ సినిమాని పాన్ ఇండియా కేట‌గిరీలో తెర‌కెక్కిస్తున్నారు. అన‌న్య పాండే ఇందులో క‌థానాయిక‌గా న‌టిస్తోంది.

ఇక ఈ చిత్రంలో అంత‌ర్జాతీయ బాక్సింగ్ దిగ్గ‌జం.. మాజీ వ‌ర‌ల్డ్ చాంపియ‌న్ మైక్ టైస‌న్ ఓ కీల‌క పాత్ర‌ను పోషించ‌నున్నారు. త్వరలో అమెరికాలోని లాస్ వేగాస్ లో కొత్త షెడ్యూల్‌ షూటింగ్‌ ప్రారంభం కానుంది. ఈ షెడ్యూల్ లో బాక్సింగ్ మ్యాచ్ కి సంబంధించిన కొన్ని కీలక సన్నివేశాలను చిత్రీకరించనున్నారు. మైక్ టైసన్ స్వయంగా షూటింగ్ కు సిద్ధమవుతున్న చిన్న క్లిప్ తాజాగా వైరల్ గా మారింది.

సోషల్ మీడియాలో పోస్ట్ చేసిన ఈ వీడియోలో మైక్ టైసన్ తన ప్రాక్టీస్ సెషన్ లో కొన్ని క్రేజీ పంచ్‌లు విసిరిన తీరు గ‌గుర్పాటుకు గురి చేస్తోంది. విజయ్ తో అత‌డి ఫైట్ బౌట్ లో ఎలా ఉంటుందో ఓసారి ఊహిస్తేనే గ‌డ‌గ‌డ‌లాడేట్టుగా ఉంది. టైస‌న్ లోని మాసిజం ఏ రేంజులో ఉంటుందో శాంపిల్ వీడియో ఇది. ఊపిరాడ‌నివ్వ‌ని పంచ్ ల‌తో శత్రువుని ఉక్కిరిబిక్కిరి చేయ‌డం ఎలానో ఇది చూసి నేర్చుకోవ‌చ్చు. లైగ‌ర్ లో మైక్ టైస‌న్ పార్ట్ చిత్రీక‌ర‌ణ కోసం పూరి ఎంత ఎగ్జ‌యిటింగ్ గా ఉన్నారో దీనిని బ‌ట్టి అర్థం చేసుకోవ‌చ్చు.