'ప్రభాస్-కృష్ణంరాజు'ల వీడియో వైరల్.. పెద్దనాన్న జుట్టు సరిచేస్తూ..!!

పాన్ ఇండియా స్టార్ ప్రభాస్.. ప్రస్తుతం వరుస బిగ్ బడ్జెట్ సినిమాలతో బిజీగా ఉన్నాడు. 2019లో విడుదలైన సాహో సినిమా తర్వాత ప్రభాస్ నుండి ఎలాంటి సినిమా విడుదల కాలేదు. అలాగని సినిమాలు చేయకుండా అయితే ఉండలేదు. కానీ మధ్యలో కరోనా మహమ్మారి కారణంగా ప్రభాస్ నటిస్తున్న సినిమాలు ఆలస్యం అవుతున్నాయి. అయితే జిల్ ఫేమ్ రాధాకృష్ణ దర్శకత్వంలో రాధేశ్యామ్ సినిమా ఇటీవలే కంప్లీట్ చేసాడు ప్రభాస్. ఐదు బాషలలో విడుదలకు రాధేశ్యామ్ సినిమా రెడీ అవుతుంది కాబట్టి ప్రేక్షకులలో అంచనాలు ఓ రేంజిలో నెలకొన్నాయి. పీరియాడిక్ లవ్ స్టోరీగా రూపొందుతున్న రాధేశ్యామ్ ఈ ఏడాది విడుదల అవుతుందని అంటున్నారు. ఈ సినిమా షూటింగ్ దశలో ఉన్నప్పుడే ప్రభాస్.. మరికొన్ని సినిమాలకు సంతకం చేసాడు. అందులో ఒకటి సలార్. ఈ సినిమాను కేజీఎఫ్ ఫేమ్ ప్రశాంత్ నీల్ డైరెక్ట్ చేయబోతున్నాడు. ఇప్పటికే సంక్రాంతి సందర్బంగా సలార్ సినిమా షూటింగ్ పనులను ప్రారంభించారు మేకర్స్.

ఫుల్లీ యాక్షన్ ప్యాకెడ్ సినిమాగా రూపొందనున్న ఈ సినిమాలో ప్రభాస్.. వయోలెంట్ క్యారెక్టర్ లో కనిపించనున్నాడు. ఈ సినిమా కూడా పాన్ ఇండియా మూవీగా తెరకెక్కనుంది. ఇదిలా ఉండగా బాలీవుడ్ డైరెక్టర్ ఓం రౌత్ దర్శకత్వంలో ఆదిపురుష్ చేయనున్నాడు ప్రభాస్. ఆ సినిమా ఫిబ్రవరి 2న పూజా కార్యక్రమంతో షూటింగ్ స్టార్ట్ చేయనున్నారు మేకర్స్. ఇక ప్రభాస్ సోషల్ మీడియా ఖాతాలను పెద్దగా ఉపయోగించడనే సంగతి తెలిసిందే. కానీ సోషల్ మీడియాలో మాత్రం ఖచ్చితంగా రోజుకో వార్త సోషల్ మీడియాలో వైరల్ అవుతోంది. తాజాగా ప్రభాస్ తన పెద్దనాన్న కృష్ణంరాజుతో కలిసిన వీడియో ఒకటి తెగ వైరల్ అవుతోంది. ఈ వీడియోలో పెద్దనాన్న కృష్ణంరాజు జుట్టును ప్రభాస్ సరిచేస్తూ కనిపించాడు. పక్కనే కృష్ణంరాజు భార్య అంటే ప్రభాస్ పెద్దమ్మ కూడా ఉండటం చూడవచ్చు. ఈ వీడియోతో ప్రభాస్ తన అభిమానుల హృదయాలను గెలుచుకున్నాడు. ప్రస్తుతం వైరల్ అవుతున్న ఈ వీడియోకు విపరీతంగా క్రేజ్ క్రియేట్ చేస్తున్నారు నెటిజన్లు. భలేగా ఉంది తండ్రి కొడుకుల బంధం అంటూ కామెంట్స్ చేస్తున్నారు.